Эмилиано Мартинес: "У Нидерландия гол уришини хоҳлади"

Нидерландия ва Аргентина термалари ўртасидаги Жаҳон чемпионати чорак финал босқичи иккинчи баҳси тартибсизликлар ва огоҳлантиришларга бойлиги билан ажралиб турди. Ўйинни бошқариб борган рефери Антонио Матеу Лаос ўйин давомида жами 15 та сариқ карточка кўрсатди ва баъзи вазиятлар унинг назоратидан чиқиб кетгандай таассурот қолдирди. Жанубий Америка вакилининг пенальтилар сериясида ғалаба қозонишида қаҳрамонлик кўрсатган Мартинес ўйиндан кейин фикрларини билдириб ўтди:

"Жуда мураккаб ўйин бўлди ва биз ўйинни яхши назорат қилдик, деб ўйлайман. Биз 2:0 ҳисобида олдинга чиқиб олдик. Ўйин бизнинг устунлигимизда ўтди, ҳакам рақибларимизга ҳамма нарсани берди. Тўсатдан улар бош билан яхши зарба беришди. Мен буни кўрмай қолдим ва ҳаммаси тескари бўлиб кетди. Рефери уларга ҳеч қандай сабабсиз 10 дақиқа қўшиб берди, 10 дақиқа! У 2 ё 3 марта жарима майдончаси ташқарисида жарима зарбаси берди. У шунчаки Нидерландия гол уришини хоҳлади. Умид қиламанки, биз энди ўша ҳакам билан ўйнамаймиз. Чунки у фойдасиз".