Oldin "Arsenal"da ishlagan "Vilyarreal" murabbiyi "Sautgempton" (2:1)ga qarshi o'rtoqlik o'yinidan so'ng dastxatlar ulashdi.
O'sha paytda unga mahalliy muxlislar murojaat qilishdi. Ular so'rashdi: "Unai, good ebening deya olasizmi?". Muxlislardan biri buni bir necha bor takrorladi. Emeri unga qaradi va gapirmasdan, o'rta barmog'ini ko'rsatdi.
Emeri "Arsenal"da ishlagan paytida muxlislar va media tez-tez uning talaffuzini muhokama qilishardi. U matbuot anjumanini tez-tez "Good Evening" (xayrli kech) iborasi bilan boshlardi, ammo uning akcenti sabab bu so'z "Good ebening"ga o'xshab chiqardi.
Shu sabab ijtimoiy tarmoqlarda muxlislar Emerining ustidan kulishardi.
