UZ

Сўнгги янгиликлар

17:45"Милан" 3 футболчини сотиб олмади ва жамоасига қайтариб юборди  0 17:20"Штутгарт" футболчисини 100 млн еврога баҳоламоқда, "Бавария" эса 50 миллионга  0 16:51"Пахтакор" Қаршида сўнгги дақиқаларда иккита гол уриб, мағлубиятдан қутулиб қолган учрашувдан ГАЛЕРЕЯ  3 16:23"Барселона" Месси, Коутиньо, Куман олдидаги қарзларини ёпди  8 15:52"WhoScored" клублар ўртасидаги жаҳон чемпионатининг гуруҳ босқичи рамзий термасини тақдим қилди  10 15:15Факт: "Нефтчи" 17 йилдан буён меҳмонда "Қизилқум"ни юта олмаяпти  2 14:52“Нефтчи” академияси фаолиятини бошламоқда!  3 14:20Месси туғилган кунини нишонлади, Араухо уйланди, ПСЖда "ойлик чиқди". Футбол юлдузлари ҳафтани қандай ўтказди?  8 14:10Котрина Кулбите: "Муносиб ўйин кўрсатиб, Осиё кубоги йўлланмасини қўлга киритишни мақсад қилганмиз"  1 13:54"Динамо" бир киши кам бўлиб "Қўқон-1912"ни ютган учрашувдан галерея  2 13:28Гвардиола Грилишнинг кам ўйнаётгани сабабини айтди  1 12:56Милан Митрович: “Футбол ҳаётга ўхшайди — ҳамма нарса режадагидек кетавермайди”  2 12:50Симоне Инзаги: "Пеп Гвардиола - энг зўри"  2 12:22Исломбек Исмоилов: "Нефтчи"га вилоят ҳокимининг таклифи билан келдим"  12 12:12Рафинья Нико Уильямс ҳақида: "Юқори сифатли футболчи"  2

Элгужа Григалашвили: "Навбаҳор"га мослашишда муаммо кўрмаяпман. Чунки..." Янгиликлар

Элгужа Григалашвили: "Навбаҳор"га мослашишда муаммо кўрмаяпман. Чунки..."

Шу кунга қадар юртимизда "Қизилқум" ва АГМК жамоаларида тўп тепган Элгужа Григалашвили қишки трансферлар ойнаси вақтида клубини ўзгартирди.

Грузиялик хужумкор ярим ҳимоячи бу мавсумни "Навбаҳор"да бошлайди. Куни кеча томонлар ўртасида расман шартнома имзолангани маълум қилинди. Элгужа Григалашвили янги жамоаси, клубини алмаштиргани ва мақсадлари ҳақида айтиб берди. 

  "Таклиф ҳақида нима дердим. "Навбаҳор"дан чорлов бўлди, шартнома имзоладик. Нима бўлганда ҳам яхши жамоага келиб қўшилдим. Клубнинг мухлисларига ортиқча таъриф шарт эмас. Уларни стадионда ажойиб муҳит ҳосил қилишларини биламан. Бунга ўзим бир неча маротаба гувоҳ бўлдим",- дейди Элгужа Григалашвили.

 

Ўзаро суҳбат давомида футболчи "Навбаҳор"нинг мақсадлари ва ўзининг истаклари ҳақида ҳам айтиб ўтди. У сўзининг давомида бу мавсумдан нима кутаётганини яширмади. 

- Албатта. Мақсадлар ва режалар катта. Ўзимнинг ҳам ниятларим ва амалга оширишни истаётган режаларим бор.  У қандай? Ўтган мавсумга қараганда кўпроқ гол уришни хоҳлайман. "Қизилқум"да ҳам рақиблар дарвозасига бир нечта тўплар киритдим. Лекин қониқиш ҳосил қилганим йўқ. Шунингдек олдимизга қўйилган вазифани бажара олмадик. "Навбаҳор"да эътиборимни тортган асосий жиҳат мухлислар ва клубнинг ривожланиш йўли. 

Айни пайтгача ички чемпионатимизда фақат иккита жамоада тўп тепган Григалашвили учун "Навбаҳор" учинчи клуб ҳисобланади. Грузиялик тўп тепар янги жамоасига мослашишда қийналмаслигини билдирди. 

- Мен Ўзбекистонда 5 йилдан бери ўйнамоқдаман. Барча жой таниш. Ўзимни бегонадек ҳис қилмайман. Дўстларим, танишларим кўп. Шундай экан ортиқча муаммо кўрмаяпман. Жамоа билан фақат олдинга ва совринли ўринларга қараб интиламиз. Кўрамиз мавсум охирида қилган меҳнатларимиз қандай натижа берар экан. 

Наманганликлар ушбу ўйинчини аввалроқ қўлга киритишга уриниб кўрганми? Бунга унинг ўзи қуйидагича жавоб бериб ўтди. 

- Билмадим. Ёзда шундай миш-мишларни ўзим ҳам эшитгандим. Мен ўшанда "Қизилқум" футболчиси саналардим. Фақат ўз жамоам ҳақида ўйлаганман. 

Абдулазиз Искандаров

Муаллиф : Iskandarov Abdulaziz
Рейтинг: +7   

Фикрлар

championat.asia
< сўнгги янгиликларни кўриш
Яндекс.Метрика