Элдор Шомуродовнинг онаси: "Қўллаб-қувватлаган халқимизга раҳмат"

"Элдор юришни ҳам стадионда ўрганган. Футболга жуда ёшлигидан меҳр қўйган. Фарзандимнинг жаҳон миқёсидаги ўйинларда иштирок эта бошлаганини ўзи мен учун катта бахт. Ўйин пайтида гўёки унинг юрак уришларигача ҳис қилиб тургандек бўлдим. Гол урган пайтлари бутун оиламиз билан байрам қилдик.

Элдорбек ҳали пойтахтдан қайтганича йўқ, уни барча яқинлар билан бирга интизорлик билан кутяпмиз.

Шу ўринда ёшларни қўллаб-қувватлаб турган халқимизга ҳам миннатдорчилик изҳор этаман. Фарзандларимиз Ватанимиз байроғини маҳкам бағриларига босиб, бунданда баланд марраларни забт этишларига ишонаман".


Гулшан Саъдуллаева ёзиб олди