Элдор Каримов: "Янгиер"га қарши ўйин финалдек бўлади"

- Мазкур учрашувга пухта тайёргарлик кўргандик. Боиси бу баҳсдаги ғалаба биз учун жуда муҳим эди. Хайрият ўз ниятимизга етиб, кичик ҳисобда бўлсада зафар қучишга муваффақ бўлдик. Бугун бизни қўллаб-қувватлаб турган мухлисларга жамоамиз номидан ўз миннатдорчилигимни билдираман.

Ўйинимизда анча ижобий ўзгариш сезилди. Бундан буёғига ҳам ижобий натижага эришиб, мухлисларни хурсанд этишда давом этамиз. Бугунги ўйинга келадиган бўлсак, жамоадошларим билан бир оила бўлиб ҳаракат қилди ва ғалабага эришдик. Албатта, бунда жамоамиз мураббийларининг ҳиссаси катта. Кейинги турда бизни жуда қизиқ беллашув кутмоқда. "Янгиер" биз билан бир хил натижа кўрсатмоқда, бу баҳс финалга хос ўтади. Бу ўйинда мухлислардан қўллаб-қувватлашларини сўраган бўлардим.

Самандар Сафаров ёзиб олди