Эдгар Гесс: "Майдон яхши бўлганида "Сўғдиёна" бизга катта муаммолар туғдирган бўларди"
06 июн 2015 22:26
Янгиликлар

Эдгар Гесс: "Майдон яхши бўлганида "Сўғдиёна" бизга катта муаммолар туғдирган бўларди"

"Сўғдиёна" - "Андижон" (1:2) учрашувидан кейин матбуот анжуманида дастлаб меҳмонлар бош мураббийи Эдгар Гесс иштирок этди.

- Ўйин қийин бўлди. Майдон сифати жуда ёмон эди. Шу сабабли узоқ масофага тўп оширишлари билан ўйнадик. Умуман олганда футболчилар кўрсатмаларимни тўғри бажаришди. Агар майдон яхши бўлганида Даврон Файзиев жамоаси бизга катта муаммолар туғдирган бўларди. "Сўғдиёна"нинг янги стадиони очилса, жиззахликлар бундай жуда хурсанд бўлиши аниқ. Омадимиз келди.

- "Сўғдиёна" ва "Андижон"нинг кучлари тенгми?
- Албатта, майдон сифатида яхши бўлганида, мезбонлар ва биз ҳам яхши ўйин кўрсатган бўлар эдик.

- Жамоангиз яхши ўйнади. Ҳисоб 0:2 бўлганидан кейин ҳимояга ётиб олдингиз. Арабларга ўхшаб ўйин чўздингиз. Бу олдиндан режалаштирилганмиди?
- Йўқ. Рамазонов жароҳат олганидан сўнг, ҳимоя ҳақида ўйладик. Аммо ўйин чўзишга уринмадик. Бу кутилмаганда юз берди. Рақибни ҳам айбламаймиз. Бу еркаклар спорт тури. Оғриққа чидаш лозим.

- "Андижон"да қандай муаммолар бор?
- "Андижон"да муаммо йўқ. Клубимиз олдига олий лигада жон сақлаб қолиш ва деярли барча футболчиларга ўйнаш имкониятини бериш вазифаси қўйилган. Келаси йилда эса бунданда каттароқ вазифалар қўйилади.

Ҳавола :

Манба : championat.asia

Янгиликларни Телеграмда ўқинг!

Рейтинг: