“Дунёнинг энг яхши ёш футболчиси” совринига даъвогарлар эълон қилинди
08 окт 2018 23:04
Янгиликлар

“Дунёнинг энг яхши ёш футболчиси” совринига даъвогарлар эълон қилинди

Франциянинг дунёга машҳур France Football журнали Kopa Trophy соврини учун даъвогар ёш футболчилар рўйхатини ошкор қилди.

Ушбу соврин “Олтин тўп” совринининг аналоги ҳисобланиб, 21 ёшгача бўлган футболчиларга топширилади. Ушбу соврин илк маротаба энг яхши деб топилган футболчига тақдим этилади.

Даъвогарлар рўйхати: Килиан Мбаппе («ПСЖ»), Кристиан Пулишич («Боруссия» Дортмунд), Жанлуижи Доннарумма («Милан»), Жастин Клюйверт («Рома»), Патрик Кутроне («Милан»), Трент Александер-Арнольд («Ливерпуль»), Родриго («Сантос»), Уссем Ауа («Лион»), Амаду Айдара («Ред Булл Зальцбург»), Рицу Доан («Гронинген»).

Асосий номзол сифатида Киллиан Мбаппе эътироф этиляпти. Футболчи Франция терма жамоаси таркибида шу йил ёзда Россияда ўтган Жаҳон чемпионатида олтин медални қўлга киритиш баробарида, мундиалнинг энг яхши ёш футболчисига аталган совринга ҳам эга чиққанди.