Драган Черан: "Ғолиблик руҳи ғалабада муҳим рол ўйнади"
20 дек 2020 19:01
Янгиликлар

Драган Черан: "Ғолиблик руҳи ғалабада муҳим рол ўйнади"

"Пахтакор" футболчиси Драган Черан бугун финалда АГМК дарвозасига иккита гол урди ва жамоасининг ғалабасига катта ҳисса қўшди.

Учрашув якунига етгач финал қаҳрамонларидан бири Драган Чераннинг фикрлари билан қизиқдик.

"Дастлабки дақиқаларда ишончсиз ҳаракат қила бошладик. Чамаси 10-15 дақиқадан сўнг эса барчаси жойига тушди ва биз ўзимиз истагандек ўйнадик дея оламан. Ўйинни назорат қилдик ва зарур паллада гол урганимиз бизга фойда берди. Шу тариқа учрашув охирига қадар устунликни ўз томонимизда ушлаб туришни уддасидан чиқдик десам нотўғри бўлмайди. Бешта гол билан Ўзбекистон кубоги тарихидаги тўпурар Анвар Солиевга етиб олганимни энди сиздан эшитмоқдаман. Бу албатта ёқимли ҳолат. Ғалабадаги асосий омил жамоамиздаги ғолиблик руҳиятидир",- дейди Драган Черан.

Ҳавола :

Манба : championat.asia

Янгиликларни Телеграмда ўқинг!

Рейтинг: +4