UZ

Сўнгги янгиликлар

12:46"Манчестер Юнайтед" Каземирога ўринбосар топди  0 12:20Эшитдик-да! ФИФА "Бунёдкор"га илк санкцияни қўллади  7 11:48Клоппнинг ассистенти "Аякс" бош мураббийига айланиши мумкин  0 11:24Ўзбекистон – Гонконг учрашувида майдонга югуриб тушган мухлислар маъмурий жавобгарликка тортилди, 2 нафар шахс 5 суткага қамалди  16 10:57Пеп Гвардиола «Манчестер Сити»даги келажаги борасида бир қарорга келди  4 10:28«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи  1 10:00ЦСКА устози РПЛнинг энг кучли футболчиси кимлигини айтди  7 09:3410 ойга четлатилган Тонали яна узоқ муддатга дисквалификация қилиниши мумкин  2 09:10«РБ Лейпциг» грандлар қизиқаётган футболчига нарх қўйди  1 08:47Златан рамзий термасини тузди ва ўзини қўшмади. Нега қўшмаганини эса Ибра супер тарзда тушунтириб берди  12 08:25Фабрицио Романо Хаби Алонсонинг келажагини очиқлади  4 07:49Про лига. Бугун учинчи тур якунланади  1 07:25Суперлига. Бугун Олмалиқ ва Қаршида ўйинлар бор  3 01:46"Фулхэм" стадион трибунасида очиқ бассейн қурмоқчи  1 01:29Абдуқодир Ҳусанов "Лилль" билан ўйинни ўтказиб юборади  3

Достонбек Ҳамдамов: "Сергей Лушандан бир умрга миннатдорман" Янгиликлар

Достонбек Ҳамдамов: "Сергей Лушандан бир умрга миннатдорман"

Ўзбекистон терма жамоасига номзод бўлган Тошкентнинг "Бунёдкор" клуби ярим ҳимоячиси Достонбек Ҳамдамов ушбу мавсумда рақиблар дарвозасига ҳозирга қадар 12та гол уришга эришди.

Биз ярим ҳимоячи билан бир қатор мавзулар борасида суҳбатлашишга қарор қилдик.

- 2017 йилги мавсум ҳақида нима дея оласиз? Биринчи даврадаги "Бунёдкор" иккинчи даврада анча ўзига келиб олди...

- Бу мавсум биз учун оғир кечмоқда деб ўйлайман. Чунки биринчи даврада йўқотилган очколар, мураббий алмашиши...Барчаси бизга албатта таъсир қилди. Иккинчи даврада кўп очколар қўлга киритдик ва мавсумни юқори ўринларда тугатамиз деб умид қиламан.

- Қосимов жамоага келгач натижалар яхшиланди. У нима дедики барчаси яхши бўлиб кетди?

- Ҳар бир мураббийнинг ўзига хос иш услуби ва тактикаси бор. Қосимовда ҳам шундай. Уларга амалга қилиб натижалар қўлга киритаяпмиз.


- Шу кунга қадар хориж клубларидан таклифлар бўлганми? Хорижга кетиш вақти бўлмадими?
- Таклифлар бўлган, ўзимга эмас клуб билан алоқага чиқишганини эшитганман. Ҳозирча "Бунёдкор" билан шартномам бор. Барчасига уларга боғлиқ. Чет элга чиқишнинг вақти келди деб ўйлайман. Яхшироқ ҳаракат қилиб бошқа клубларнинг ҳам назарига тушишни истайман. Европа клубларига ўтишни хоҳлйман, барча Европада ўйнаўни истайди. Қайтараман, ҳаммаси "Бунёдкор"га боғлиқ, чунки шартномам бор. Айни пайтда бор эътиборим олий лига ва кубок финалига қаратилган.

- Қайси клубга мухлислик қиласиз? Кумирингиз борми?

- Аниқ бир футболчи ёки клубга мухлислик қилмаймн. Чиройли ўйин тарафдориман. Ҳар бир жамоага мухлислик қилавераман. Масалан, "Реал" - "Тоттенхэм" учрашувини ҳам томоша қилдим. Икки жамоа иштирокида чиройли ўйин гувоҳи бўлдим.

- Достонбек Ҳамдамов футболга илк бор келганида, яъни ёшлигида ўз олдига қандай мақсад қўйган? Нималарни орзу қилган?

- (кулади) Мақсадим Европа гранд клубларида ўйнаш бўлган. Бундан ташқари ёшлигимда "Олтин тўп"ни қўлга киритишни орзу қилганман.

- Болалар футболи ҳақида қандай фикрдасиз?

- Ўзбекистонда кучли ёш футболчилар жуда кўп уларга яхшилаб эътибор қаратилса бу келажакда ўз мевасини беради. Аммо охирги йилларда ёшларимиз ва ўсмирларимиз нимага Жаҳон чемпионатларига чиқа олишмаётганини билмайман. Лекин индивидуал маҳоратли футболчилар кўп, аммо жамоавий ютуқлар бўлмаяпти.


- Ўзбекистон миллий терма жамоасига нега чақирилмадим деб ўйлайсиз? Фақат билмайман деб айтманг.
- Терма жамоага нега чақирилмаганимни тўғриси ҳам билмайман-да (кулади). Балки мен ўйнаган жойда мендан кучлироқ футболчи бўлгандир. Ҳар бир баҳсда терма жамоамизни қўллаб турдик. Сўнгги, Жанубий Корея билан учрашувда ҳам стадионга бориб мухлислар қаторида баҳсни кузатдик. Бу майдонга тушиб футбол ўйнашдан ҳам оғир бўлади. Худо хоҳласа, кейинги саралашда астойидил ҳаракат қилиб Жаҳон чемпионатига чиқамиз.

- Нега ўзбек футболчилаи тренажер залларида кўп ҳам шуғулланишмайди?

- Ҳамма нарсани ўз вақти соати бор. Биз ҳам "качок" бўлиб юришни хоҳлаймиз. Фақат мураббийларнинг тавсияси билан машғулот ўтказамиз. Ўзимиз билганимизча тренжар залига кириб тош кўтаргандан фойда йўқ.

- Тошкентдаги баҳсларга жуда кам одам ташриф буюради. "Бухоро", "Насаф" ва "Навбаҳор" каби клубларнинг уй ўйинларига эса кўплаб мухлислар келишади. Тўлиб тошган стадионда ўйнаш учун ҳам бу кубларга ўтишга рози бўлармидингиз?  

- Мухлислар билан барибир футбол бошқача, лекин ёшлигимдан "Бунёдкор"да ўсганим учун ҳозир бундай режа қила олмайман. Балки келажакда бу клубларда ҳам фаолият олиб боришим мумкин.

- 2015 йил Осиёда йилнинг энг яхши ёш футболчиси деб топилгансиз. Нима учун ўшанда Деҳлида ўтган тадбирга бормагансиз?

- Билмадим, бизга ҳеч ким индамаган. Соврин ютганимни интернет орқали билгаман. Нимага бормаганимни ўзим ҳам билмайман. Кейин январь ойида Қатарда ўтган U-23 Осиё чемпионати вақтида ОФК вакили менга ушбу совринни топширган эди. Бу соврин билан тўхтаб қолмоқчи эмасман. Ҳаракат қилиб катта катта ютуқларга эришмоқчиман.


- Бу мавсумнинг энг яхши уч футболчисини санаб беринг. Фақат улар орасида "Бунёдкор" ўйинчилари бўлмасин.
- "Локомотив" ярим ҳимоячиси Икром Алибоев. "Қўқон-1912" вакили Жавоҳир Сидиқов ва "Бухоро"да ўйнаётган Жавоҳир Қаҳрамонов.

- Йилнинг энг яхши мураббийи ким бўлади деб ўйлайсиз?

- Қийин савол. Балки Миржалол Қосимов бўлар. Агар кубокни ютсак ва олий лига иккинчи ўринни қўлга киритасак шундай бўлиши мумкин.

- Сиз учун "Бунёдкор"да бу мавсумнинг энг яхши футболчиси ким?

- Бу йилги мавсумда Акром Комилов, Отабек Шукуров ва Рустам Ашурматов яхши ўйнашмоқда. Назаримда мана шу уч футболчи жамоадаги энг яхшилари.   

- Миржалол Қосимов матбуот анжуманларидан бирида "Бунёдкор"даги футболчилар ёш бола эмас аллақачон қизлар билан юришибди деб айтганди. Улар орасида Достонбек Ҳамдамов ҳам борми?

- Ҳали қизлар билан юрмаймиз. Ҳали уйланишга вақт бор. Нимани назарда тутиб айтганларини билмайман (кулади). Қизлар билан гаплашаман, аммо асосан дўст сифатида.

- Стадионда яқинларингиз бўлса сизга қўшимча босим юкламайдими?

- Йўқ босим бўлмайди. Ота-онам, уйдагиларим ўйинларимга келиб туришади. Айниқса дадам кўп келадилар. Аммо бу менга ҳеч қандай босим юкламайди.


- "Машъал" билан ўйинда гол ургач уни кимгадир бағишладингиз. Ўша инсон ким эди?
- Бу сир бўлиб қолақолсин (кулади). Бу голни уйдагиларимга бағишламадим. Аммо кимгалигини ҳам айта олмайман. Бу саволга жавоб бера олмайман.

- Яқинда "Барселона" клуби ўз ярим ҳимоячиси Андрес Иньестага бир умрлик шартнома таклиф қилди. Агар "Бунёдкор" сизга шундай шартнома таклиф қилса қандай жавоб берасиз?

- Тўғри ёшлигимда "Бунёдкор" профессионал футболчи бўлиб етишишимда катта ўрин тутди. Аммо ўзимни Европа клубларида синаб кўрмоқчиман. Иньеста Европанинг энг кучли футболчиларидан бири ва Жаҳоннинг энг кучли клубида ўйнайди. Шу боис бутун умр шу ерда қолишга қарши бўлмади менимча.

- Ёзда Россия премьер-лигасининг "Ростов" клубига ўтган дўстингиз Элдор Шомуродов ҳақида нима дея оласиз? У Россияда ўйнаб кета олармикин?

- Элдор Шомуродов шахсан мен учун энг яхши футболчилардан бири. Аммо ҳали ўз сўзини айтгани йўқ. "Ростов"да унга кам вақт беришаётган бўлса ҳам Элдор ундан унумли фойдаланишига ишонаман.

- Суҳбат сўнггида кимларга раҳмат айтмоқчисиз?

- Мен билан ишлаган барча мураббийлар ва футболчиларга раҳмат айтаман. Айниқса Сергей Иванович Лушандан бир умр миннатдорман. Бундан кейин ҳам кучли клубларда ўйнаб мана шундай интервью берсам ҳам улар ҳақида гапиришдан тўхтамайман.


ВИДЕО. Достонбек Ҳамдамов қайси саволга жавоб беришни истамади?


Нарзулла Сайдуллаев суҳбатлашди

Рейтинг: +10   

Фикрлар

championat.asia
< сўнгги янгиликларни кўриш
Яндекс.Метрика