Достон Турсунов: «Турнир жадвалида янада тепароқда туришимиз мумкин эди»

«Ойин кескин курашларга бой ўтди. Рақибимиз чемпионлик учун курашаётган жамоалардан ҳисобланади. Улар асосан яккакурашларга асосланган футбол кўрсатишади. Уларни яхшилаб ўрганиб чиқдик. Улар асосан узун узатмалар орқали ҳаракат қилишади. Режаларини амалга оширмасликка ҳаракат қилдик. Ўйин бизнинг назоратимизда ўтди ва биз ушбу баҳсда ғалаба қозондик»,-деди Достон Турсунов.

Достон Турсунов ҳимоядан кўра кўпроқ ҳужумда ўйнади. Бу сиз учун қанчалик қийинчилик туғдирди?

Бугун биз асосан ҳужум қилдик. Шу сабабли ҳам кўпроқ ҳужумда ўйнашга ҳаракат қилдим. Ҳозирги замонавий футболда қанот ҳимоячилари кўпроқ ҳужумда ўйнашга ҳаракат қилади ва биз ҳам шунга ҳаракат қилмоқдамиз.

Ҳаммага манзур бўлаётган жамоа 17 та турдан сўнг турнир жадвалида 22 очко билан 7 ўринда кетмоқда. Бу жамоага янада тепароқда бўлиши учун нималар етишмади?

Турнир жадвалида янада тепароқда туришимиз мумкин эди. “Олимпик” жамоаси илк бор Суперлигада иштирок этмоқда, шу сабабли бўлса керак бизга озгина тажриба етишмаяпти. Кўп ўйинларда ғалаба қозонсак бўларди. Кўпроқ дуранг ўйнади ва кўплаб очколарни йўқотдик. Чемпионат давомида янада яхши ҳаракат қилиб, тепароқда бўлишга ҳаракат қиламиз.