Диёр Туропов: “Майдон марказидан гол уриш, шунчаки ажойиб”

Туропов ушбу ўйинда жамоасининг иккинчи голини уришга муваффақ бўлди.

“Андижон” билан ўйинда осон бўлмаслигини билгандик. Чунки ҳеч бир жамоа ўз уйида, ўз мухлислари олдида очко йўқотгиси келмайди. Биз эса ўтган турда “Шўртан” билан учрашувда ютишга ҳақли эдик. Бироқ омад келмаганди, ютқазганимиздан кейин “Андижон”дан очко олишимиз шарт эди. Мусобоқа жадвалида қийин ҳолатга тушишимизга ҳаммамиз билардик. Шу боис ҳам бор  кучимизни бериб ҳаракат қилдик.

Голимга келадиган бўлсак “Андижон” охирги дақиқаларда бор кучини бериб ҳаракат қилди ва бутун жамоа бўлиб ҳужумга ўтди. Уларнинг дарвозобони ҳам келган эди, ўша вазиятда тўпни шерикларим менга ошириб юборишди. Шеригим Рўзимбой Аҳмедов дарвоза бўшлигини айтди, таваккал майдон ярмига етмай туриб дарвозага зарба бердим. Тўп дарвозага аниқ борди ва гол бўлди. Майдон марказидан гол уриш, шунчаки ажойиб. Менимча фаолиятимда бошқа бундай гол бўлмаса ҳам керак, - дейди Туропов.