"Динамо"нинг август ойидаги энг яхши футболчиси аниқланди
17 сен 2014 11:45
Янгиликлар

"Динамо"нинг август ойидаги энг яхши футболчиси аниқланди

Икки ҳафта давомида «Динамо» клуби расмий сайтида ўтказилган сўровнома якунларига кўра, жамоа сардори – дарвозабон Андрей Мельничук «ойнинг энг яхши футболчиси» сифатида топилди.

196 нафар иштирокчи қатнашган сўровномада, 75 мухлис (38,3%) ўз овозини айнан украиналик тажрибали посбонга берган.

Сўнгги икки ўйин «Бунёдкор» ва «Андижон»га қарши баҳсларда ғалабага муносиб улуш қўшган Азамат Бобожонов сўровномада Мельничукка «рақобат» туғдирди. Тезкор яримҳимоячимиз 56 та (28.6%) овоз тўплади.

Учинчи ўринда эса якунланган ойда жамоа мухлислари Санъат Шиховни танлашган. «Андижон» билан баҳсда чиройли гол муаллифига айланган иқтидорли футболчимизга 39 та (19.9%) овозга эга бўлди.

Сўровномада шунингдек, ҳимоячилар Илдар Маматказин, Акмал Бозоров, ҳужумчи Зайниддин Тожиевлар ҳам мухлислар томонидан танланган.

Эслатиб ўтамиз, Андрей Мельничук жорий мавсум ҳисобидан учинчи маротаба ой якунига кўра мухлислар томонидан, «Динамо»нинг энг яхши футболчиси дея топилмоқда.

Ҳавола :

Манба : fcdinamo.uz

Янгиликларни Телеграмда ўқинг!

Рейтинг: