«Динамо»дан навбатдаги рекорд ғалаба…

Учрашувни ҳужумкор бошлаган мезбонлар ўйиннинг бошиданоқ рақибдан бир бош баланд эканликларини кўрсатишди. 8-дақиқада Азамат Бобожонов қанотдан Жонибек Кўчимов томонидан оширилган тўп билан ҳисобни очган бўлса, 29-дақиқага келиб ёш яримҳимоячи Жонибекнинг ўзи фарқни иккитага етказди, 2:0.

Иккинчи бўлимда ҳам таркибда бир қатор ўзгаришлар қилган мураббийларимизнинг қарори ўзини оқлади. Виктор Клишин 49-дақиқада ҳисобни 3:0га етказган бўлса, қолган бешта голни захирадан майдонга тушган футболчилар киритишди.

Жумладан, Комил Шарофутдинов ҳисобни 4:0га етказган бўлса, самарқандлик ёш ҳужумчи Амиржон Сафаров 56, 86-дақиқаларда «дубли»ни нишонлади. Бундан натижага тажрибали форвад Алишер Холиқов ҳам эришди. Унинг 63, 78-дақиқаларда киритган голлари «Динамо»нинг кетма-кет иккинчи ўйинни ҳам 8:0 ҳисобидаги ғалаба билан якунлашига сабаб бўлди.

Биринчи Лига. 17-тур. 23 июнь (пайшанба)

«ДИНАМО» – «FИЖДУВОН» – 8:0
Самарқанд, 2058 томошабин.
Ҳакамлар: А. Рубаков (Тошкент) – 8,5, Н. Анфиногенов (Тошкент) - 8,4, С. Абдураҳмонов (Тошкент) – 8,6, А. Ахтамов - 9
Инспектор: В. Нажафалиев (Тошкент).
Голлар: Азамат Бобожонов 8, Жонибек Кўчимов 29, Виктор Клишин 49, Комил Шарофутдинов 54, Амиржон Сафаров 56, 86, Алишер Холиқов 63, 78.

«Динамо»: Михаил Наумов (Рустам Тоштурдиев, 41), Миркомил Локаев, Бунёд Исроилов, Фирдавс Абдусалимов, Акмал Бозоров, Омад Тойлоқов (Комил Шарофутдинов, 46), Жасур Азимов, Виктор Клишин (Алишер Холиқов, 50), Азамат Бобожонов (Амиржон Сафаров, 46), Саиджон Давлатжонов, Жонибек Кўчимов (Орзумурод Аҳмедов, 58).

«Ғиждувон»: Дониёр Маллаев, Мирзо Турсунов, Раҳмон Очилов, Амиржон Темиров, Азиз Абдуллаев, Шердор Туропов, Бобур Ўроқов, Бекзод Раҳмонов, Мансур Отақулов, Ислом Шаропов, Мурод Ҳамдамов.

Захира: Бекзод Сатторов, Суннат Ҳафизов, Жасур Мардонов, Муҳриддин Эргашев, Хондамир Аҳмадов, Дониёр Ғойибов, Азиз Назаров.

Огоҳлантиришлар: Р. Очилов («Fиждувон», 14).