UZ

Сўнгги янгиликлар

12:29Жоау Феликс фаолиятини "Арсенал"да давом эттириши мумкин  1 12:07Ҳожимат Эркинов оилавий масалалар сабаб Олимпия терма жамоамиз таркибига киритилмаганми?  32 11:31«Ал Насср» Эдерсон трансферидан воз кечиши мумкин  0 11:15Ўртоқлик учрашуви. "Спартак" - "Насаф" 3:0, "Насаф" Россиянинг 10 карра чемпионини енгга олмади  9 11:04Эшитдик-да! Сергей Лушчан "Навбаҳор" бош мураббийи  25 10:46«Барселона» РПЛ футболчисига қизиқиш билдирмоқда  6 10:22«Немис машинаси» афсонаси терма жамоадаги фаолиятини якунлаганини эълон қилди  3 09:58Яна бир машҳур форвард фаолиятини Саудияда давом эттиради  2 09:34Инглизлардан ҳеч ким йўқ. Европа чемпионатининг рамзий термаси маълум  8 09:09Расман: «Барселона» етакчиси операция қилинади. У йил сўнггида сафга қайтиши мумкин  7 08:44Испания термаси сардори фаолиятини «Милан»да давом эттиради — Фабрицио Романо  4 08:20Whoscored. Копа Америка мусобақасининг рамзий термаси маълум  21 07:56Расман: «Атлетико» афсонаси фаолиятини бошқа жамоада давом эттиради  2 07:28Goal. Европа чемпионати ва Копа Америка мусобақасидан сўнг «Олтин тўп» учун даъвогарлар рейтинги ўзгарди  50 00:50Ўзбекистон олимпия терма жамоаси Франция клубини йирик ҳисобда таслим қилди  16

«Динамо»: Тайёргарлик, янги футболчилар ва режалар ҳақида Янгиликлар

«Динамо»: Тайёргарлик, янги футболчилар ва режалар ҳақида

Олий лига жамоалари қаторида Самарқанднинг «Динамо» клуби ҳам янги мавсумга жиддий ҳозирлик кўрмоқда.
Равшан Ҳайдаров қўл остидаги жамоа мавсум тайёргарлигини дастлаб Самарқандда бошлаган бўлса, иккинчи босқич йиғини 15-30 январь кунлари Тошкентда ўтказилди. Навбатдаги йиғин олдидан, жамоамиз бош мураббийи тайёргарлик, янги футболчилар ва режалар ҳақида батафсил сўзлаб берди.

ТАЙЁРГАРЛИК

- Равшан Акмалович, якунланган йиғиндан кўзлаган режаларингиз амалга ошдими?


- Тайёргарлигимиз режа асосида давом этмоқда, десам ҳам бўлади. Кўзлаганимиздек, иккинчи йиғин доирасида тўртта назорат учрашувларини белгилагандик ва ушбу баҳсларда жамоанинг янги футболчиларини синовдан ўтказиш билан бирга таркибнинг шаклланишига ҳам жиддий эътибор қаратдик. «Пахтакор», «Сўғдиёна», «Бухоро» ва «Олмалиқ» клубларига қарши тўп суриб икки дуранг, икки мағлубият қайд этган бўлсакда, энг асосийси жамоанинг тайёргарлигига катта урғу бердик. Чунки, бундай ўйинларда натижа эмас, энг аввало тайёргарлик муҳим ўрин тутади.

- Демак, якунланган йиғиндан кўнглингиз тўлди дейиш мумкин, шундайми?


- Мавсум олди йиғинлар давомида ҳар бир мураббий футболчисининг жароҳат олишидан хавфсирайди. Афсуски, буни биз ҳам четлаб ўтолмадик. Таркибдаги айрим футболчиларимизнинг жароҳат олганликлари сабабли уларни тўлиқ синовдан ўтказа олмадим. Азамат Бобожонов, Абдулла Набиев сингари футболчиларимиз эса жароҳатлари боис Тошкентдаги йиғинимизда иштирок эта олишмади. Жароҳат олган ўйинчиларимизнинг тезроқ сафга қайтишларини кутаяпман. Мана шу жиҳатни айтмаганда йиғиндан кўнглим тўлди.

ҒУЛОМ УРУНОВ ҲАҚИДА

- Таркибга янги келган футболчиларнинг тақдири қандай кечади?


- Мавсум олдидан сафимизга қўшилган футболчилардан яримҳимоячилар Алишер Маҳмудов ва Самандар Шодмоновларга жавоб бердик. Қолган футболчилар эса ҳозирча жамоа билан бирга тайёргарлик кўришмоқда.

- «Пахтакор» сафидан келиб қўшилган Ғулом Урунов янги мавсумни Самарқандда бошлайдими?

- Fулом Уруновни жуда яхши билганим ва катта ёрдами тегишига умид қилган ҳолда уни ижара асосида таклиф қилдик. Урунов борасида «Динамо» «Пахтакор» билан деярли келишувга эришган. Энди футболчининг ўзи билан келишувга эришсак, Урунов мавсумни «Динамо»да бошлайди.

ЯНГИ ФУТБОЛЧИЛАР БОРАСИДА

- Молдова терма жамоаси ҳужумчиси Анатолий Дорош ҳақида нима дея оласиз? Легионер «Динамо»да қоладими?


- Ушбу футболчи 28 январь куни сафимизга қўшилди. 2-3 кунлик йиғинда ҳам молдовалик ҳужумчининг тажрибали эканлиги яққол кўриниб турди. Унинг Жаҳон чемпионати саралаш баҳсларида ўтган йили терма жамоаси сафида Европанинг кучли термаларига қарши майдонга бежизга тушмаганлиги аниқ. Мингафсуски «Олмалиқ»га қарши сўнгги ўйинимиз олдидан легионер жароҳат олди ва шу боис назорат баҳсида ҳам ўзини кўрсатишга қийналди. Унга ҳозирча жавоб берган бўлсакда, вақт ўтиб жароҳатидан қутилса бундай тоифадаги ҳужумчини сафимизда кўришдан хурсанд бўлардим.

- Мавсум бошланишига тобора кам вақт қолмоқда. Айтингчи, энди таркиб ҳозирги футболчилар билан шакллантириладими ёки ҳали янги ўйинчилар жалб этиладими?


- Мақсадим - биринчи навбатда ўтган йилги таркибни сақлаб қолиб, уларнинг сафига яна 3-4 нафар янги футболчилар ва ёшларимиз билан жамоани имконқадар мукаммалаштириш. Яширмайман, кўз остимга олиб қўйган янги футболчилар бор. Аммо уларнинг сафимизга қўшилиши борасидаги саволга жавоб беришга ҳали вақт бор. Бу борада клуб раҳбарияти қарор қабул қилади.

МУРАББИЙЛАР ШТАБИ

- Ёрдамчингиз Владимир Андреев жамоани тарк этди. Энди мураббийлар штаби қандай кўриниш олади?


- Менга ҳозирда ёрдамчим Игорь Ремнёв ва дарвозабонлар мураббийи Алишер Латиповлар ёрдам беришмоқда. Клуб раҳбариятига мурожаат этиб, жисмоний тайёргарлик бўйича мутахасис лозимлиги таклифини киритганман. Жамоамиз ёшлар мураббийи бўлиб эса яна бир маҳаллий мутахасис – Камо Газаров фаолият бошлади. Ушбу мураббийлар билан бирга ишлаймиз.

РЕЖАЛАР


- Навбатдаги йиғин қачон бошланади? Жамоанинг кейинги режалари қандай?

- 2 февралдан бошлаб Самарқанддаги қароргоҳимизда учинчи йиғинга киришдик. Бир ҳафта давом этадиган ушбу йиғинда асосий эътибор ташкилий масалаларга қаратилади. Хусусан, бир қатор футболчиларимиз билан шартнома имзолаймиз. Таркиб борасида аниқликлар киритамиз. Февраль ойининг иккинчи ўн кунлигидан бошлаб эса яна Тошкентда йиғин бошлаб, ПФЛ Кубоги ва назорат баҳслари орқали сўнгги тайёргарлик ишларини олиб борамиз. Март ойи бошида, чемпионат бошланишидан бир ҳафта олдин эса Навоий ёки Бухорода маҳаллий жамоалардан бири билан ўртоқлик учрашуви ўтказишни ўйлаб турибмиз. Бу дастлабки тур - Қаршидаги «Насаф» билан ўйиндан олдин сўнгги тайёргарлигимиз бўлади.

Усмон ИБОДОВ суҳбатлашди.
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика