Дилёрбек Эрматов: "Ҳар қандай жамоа майдонга ғалаба учун чиқади"

- "Локомотив" чемпионатимизнинг энг кучли жамоаларидан бири ҳисобланади. Бу жамоа қандай савиядаги эканлигини ҳамма яхши билса керак.  Футболда барча майдонга фақат натижа учун чиқади. Шу қатори биз ҳам ўз уйимизда, мухлислар кўз ўнгида фақат ғалаба учун майдонга тушамиз. Рақиб таркибида кимнидир алоҳида кўрсатмаган бўлардим. Чунки "Локомотив"нинг ҳамма ўйинчилари юқори савиядаги ижрочилар ҳисобланади. Тўғриси ўйин олди фикр билдириш қийин. Ўйинга жиддий хозирландик. Мураббийлар берган кўрсатмаларни тўғри бажаришга ҳаракат қиламиз. Жамоада кайфият яхши. Мухлисларни ҳам "Локомотив" билан бўлиб ўтадиган баҳсга чорлаб қоламан. "Бунёдкор" ва "Навбаҳор"га қарши беллашувларда ишқибозлар бизни жуда яхши қўллаб-қувватлаб туришди. Уларга раҳмат. Умид қиламанки, мазкур турда ўз мухлисларимизни хурсанд қиламиз, - деди "Нефтчи" футболчиси Дилёрбек Эрматов.

Эслатиб ўтамиз, бугун Фарғона шаҳридаги "Истиқлол" ўйингоҳида "Нефтчи" - "Локомотив" баҳси бўлиб ўтади. Ўйин соат 18:30га белгиланган.

"Нефтчи" матбуот хизмати