Дердийок яна турк Суперлигасига қайтди

2021 йилнинг июнь ойида Тошкент клубини тарк этган швейцариялик футболчи августда "Анқарагюжу" сафига бориб қўшилган эди. 

Туркия 1-лигасининг навбатдаги мавсуми ортда қолди. Унда Дердийок бошчилигидаги пойтахт клуби чемпионликни тантана қилиш баробарида Суперлига йўлланмаси эга чиқди.

Эрен эса 31 учрашувда 10 та гол билан жамоанинг энг яхши тўпурарига айланди. Чемпионлик баҳсидаги ғалаба ҳам унинг голи эвазига қўлга киритилди. 

Эслатиб ўтамиз, 34 ёшли марказий ҳужумчи учун Туркия Суперлигаси бегона эмас. У Тошкентга кўчиб ўтгунига қадар 5,5 йил давомида "Касимпаша", "Галатасарой" ва "Гёзтепе" клублари шарафини ҳимоя қилган эди.

Айни пайтда Эреннинг Анқара клуби билан 1 йилга мўлжалланган шартномаси бор. Тажрибали ўйинчи 2023 йилнинг ёзида юқори эҳтимол билан бутсаларини михга илса керак.

Маълумот учун, Дердийок "Пахтакор"да йилига 1,3 млн евро маош олиши эълон қилинган эди. Унинг "Анқарагюжу"даги иш ҳақи 3 карра арзонроқ. 

муаллифнинг телеграмдаги каналига обуна бўлинг → "Футбол анализи"