Эслатиб ўтамиз, "темирйўлчилар" бугун Коростиченко ва унинг ёрдамчиси Андрей Микляевнинг истеъфосини эълон қилишди.. Денис Коростиченко бундан буён "Локомотив" болалар футбол мактаби тизимида фаолият олиб боради.
"Барчаси адолатли. Жамоанинг натижалари яхши эмасди. Бу қарорни "Локомотив" раҳбарияти қабул қилди ва мен бунга қўшиламан. Афсуски, биринчи даврада яхши натижа кўрсата олмадик. Ишонч ва "Локомотив"да ишлаш имконияти учун клуб ва шахсан Тўлабек Аброрович Акрамовга миннатдорчилик билдираман. Клубга, айниқса мен билан ишлаган футболчиларга омад тилайман. Умид қиламанки, уларда келажакда кўплаб ғалабалар бўлади!", — дейди мутахассис.
Денис Коростиченко 2019 йилдан бери "Локомотив"да ишламоқда. У аввалига жисмоний тайёргарлик бўйича мураббий ва вақтинчалик бош мураббий вазифасини бажарувчи бўлган, шундан сўнг эса жамоани расман қабул қилиб олган эди. "Темирйўлчилар" айни дамда Суперлигада 9-ўринни эгаллаб туришибди.
Эслатиб ўтамиз, бундан бироз олдин "Эшитдик-да!" рукни орқали Сервер Жепаров Тошкент клуби бош мураббийи этиб тайинланганини маълум қилган эдик.
НИКОЛАЙ ЕГОРИЧЕВ
