UZ

Сўнгги янгиликлар

02:20Хейлунд МЮдан кетганидан қаттиқ ҳафа бўлган. Ҳужумчи ўзини Шешкодан яхшироқ деб ҳисоблаганди  1 01:50УЕФА "Барселона"га EЧЛ лига босқичи давомида "Камп Ноу"га қайтишига рухсат беради. Регламентда бу тақиқланганди  0 01:35Диёр Холматов: "Янги либосларнинг сифатига гап йўқ"  11 01:15Расман: Гюндоган "Ман Сити"дан "Галатасарой"га ўтди. Трансфер турк клубига текинга тушди  0 00:52Русланбек Жиянов: "Курашларга бой ўйинда ғалаба қозондик"  0 00:38Карлуш Кейруш: "Мен футболчиларимни охиригача ўйнашга мажбурлайман"  9 00:03Ровшан Мередов: "Анча ишончли ўйин ўтказдик"  6 23:25Расман: ОЧЛ 2 арафасида "Андижон"ни легионер футболчилардан бири тарк этди  13 23:17Тимур Кападзе: "Мухлислар нега кам? Ушбу саволга биз ҳам жавоб қидиряпмиз. Легионерлар кейинги учрашувга тайёр бўлади"  37 23:03Равшан Ҳайдаров U-23 Осиё кубоги саралаши ҳақида: "Жамоамиз турнирга белгиланган режа асосида пухта тайёргарлик кўрди"  2 22:08Игорь Сергеев миллий жамоа тарихидаги тўпурарлар орасида олтинчи ўринга кўтарилиб олди  14 21:40CAFA Nations Cup. Туркманистон – Ўзбекистон 1:2  27 21:30CAFA Nations Cup. Бир киши кам бўлиб қолган Ўзбекистон Туркманистонни кичик ҳисобда мағлуб этди  273 20:55Қирғизистон бош мураббийи: "Ғалабамизни ўғирлашди"  7 20:33Топ лигалардан клуб топа олмаган Лукман Туркияга йўл олиши мумкин  1

Денис Коростиченко: "Иккинчи давра биринчисидан ҳам зўр ўтади" Янгиликлар

Денис Коростиченко: "Иккинчи давра биринчисидан ҳам зўр ўтади"

Про-лиганинг 11-тури доирасида "Навбаҳор-Фарм" устидан қозонилган ғалабадан кейин "Локомотив" бош мураббийи Денис Коростиченко ўз фикрларини билдириб ўтди.


- Илк навбатда, барчани ғалаба билан табриклайман. Ниҳоят, биринчи даврани якунладик. Кутганимиздек, даврани биринчи ўринда тугатдик. Бугунги ўйинда илк дақиқадаёқ гол урилди. Албатта, бу ҳолатдан кейин янада кўпроқ голлар уриб олишимиз мумкин эди. Бироқ рақиб ўзини кўрсата олди ва биз билан яхши ўйин кўрсатди. Яна бир марта айтаман "Юниред", "Навбаҳор-Фарм" каби жамоалар футбол ўйнашга ҳаракат қилишмоқда. Балки чиройли эмасдир, аммо улар тўғри йўналишда ишлашмоқда. Рақибга босим уюштиришга ҳаракат қилишяпти, паслар ўйнашмоқда. Ҳимояда ётиб олиб, натижани ушлаб қолиш учун ўйнашмаяпти. Бугун икки томонга ҳам тўп жуда кўп борди, икки дарвоза олдида вазиятлар бўлди. Натижада футболчилар тезда чарчаб қолишди. Балки шу сабаблидир, ўйин охиригача босимга бой ўйин бўлди. "Навбаҳор-Фарм"да ҳам яхши имкониятлар юзага келди, биз ҳам ҳисобдаги фарқни оширишимиз мумкин бўлганди. Дарвозабонимиз ҳам ишончли ўйин намойиш қилди. Балки кичик ҳисобдадир, аммо натижани қўлга киритдик. Барчага раҳмат айтаман. Йигитлар охиригача ҳаракат қилишди ва даврани ғалаба билан якунлашди.

- Биринчи давра якунланди, келгуси режалар қандай бўлади?

- Ҳозир бироз дам оламиз ва кейинчалик йигитлар индивидуал машғулотларни бошлайди. Футболчиларга махсус дастур тақдим қилинган, улар шу йўсинда таътилда тайёрланиб боришади. Кейин эса Тошкентда йиғинларни бошлаб, 10-12 кунлик машғулотлардан кейин тоғда йиғинларни давом эттирамиз. У ердан қайтиб, иккинчи даврага тайёргарликни ўзимизда олиб борамиз.

- Фикрингизча, иккинчи давра қандай ўтади?

- Менимча, иккинчи давра ҳозиргидан ҳам кучли бўлиши мумкин. Чунки кўп жамоалар трансферлар ойнаси вақтида таркибини кучайтиради. Барча жамоалар бир-бири билан ўйнаб олди ва рақибларининг қандай ҳолатда эканлигини билди. Энди улар барчасини ҳисобга олган ҳолда иккинчи даврага кўпроқ куч ташлайди. Биз эса бўшашмаслигимиз ва охиригача шу зайлда ишлашимиз керак.

- Иккинчи даврадан олдин таркибда кетадиган-келадиган футболчилар бўладими?

- Ҳозирча биз бу борада ишлаяпмиз ва таркибга олиб келиниши мумкин бўлган футболчиларни кузатяпмиз. Таркибдаги футболчилар бизни қониқтирмоқда. Масалан, биз таркибга фақатгина маҳаллий футболчиларни олиб келишимиз мумкин. Чунки легионерлар лимитидан тўлақонли фойдаланганмиз ва уларнинг таркибда қолиши аниқ. Кетадиганлар йўқ. Кўрамиз, балки иккинчи даврада бир қанча ўзгаришлар бўлар.

- Ўйиндан ташқари савол: бугун ЕЧЛ финали бўлади ва қайси жамоага мухлислик қиласиз, қайси жамоанинг ютишини истайсиз?

- Айтиш қийин. Менимча, фаворит "Манчестер Сити" бўлади. Чунки жамоа жуда юқори даражадаги ўйинни намойиш қилмоқда. Балки, айни дамда дунёнинг энг яхшиларидан биридир. Бироқ "Интер" ҳам яхши таркибга эга. Бу финал. Ҳеч ким осонликча ғалаба қозона олмайди. Финал учун жамоалар яхши кайфиятда тайёрланади. Қизиқарли ўйин бўлади. "Сити" ғалаба қозонса керак деб ўйлайман, бироқ "Интер"нинг ғалабасини истайман.

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика