Денис Иванков: "Вазиятдан тўғри хулоса чиқара олишимиз керак "

Вакилларимиз бугун тушдан сўнг юртимизга қайтиб келди. Мухбиримиз терма жамоамизнинг дарвозабонлар мураббийи Денис Иванковнинг фикрлари билан қизиқди. 

"Афсуски, Жаҳон чемпионати саралаши биз учун муваффақиятсиз якунланди. Нима бўлди, Қаерда қандай хатога йўл қўйдик, ҳаммасини таҳлил қиламиз. Ҳозир бирор нарса дея олмайман. Вазиятдан тўғри хулоса чиқара олсак, бўлғусида бундай ҳолат кузатилмаслигига ишонаман. 

Дарвозабонларни Саудия Арабистони билан ўйинга одатдагидек тайёрладик. Рақибнинг кучли томонларини ўрганиб чиққандик. Назарий машғулотларда қайси футболчиси хавфли эканлиги айтилганди. Қайсидир жойда ҳимоядаги хатолар ҳам панд берди. 

Учрашувнинг маъсулиятини ҳамма ҳис қилиб турганди. Шу боис бироз ҳаяжон кузатилган бўлса керак. Барча ғалаба учун ҳаракат қилди. Бироқ ўхшамади", - дейди Денис Иванков.

Абдулазиз Искандаров суҳбатлашди