Де Лигт бугун Туринга келади
15 июл 2019 13:02
Янгиликлар

Де Лигт бугун Туринга келади

"Аякс" ҳимоячиси Маттейс Де Лигт бугун Туринга тиббий кўрикдан ўтиш мақсадида келади.

Унинг "Ювентус"га ўтиши деярли ҳал бўлган.

Олдинроқ клублар шартнома борасида келишувга эришишгани тўғрисидаги хабарлар янграганди. Битим 65 миллион еврога баҳоланмоқда ва бундан ташқари бонуслар ҳам йўқ эмас.

19 ёшли ҳимоячи "Аякс" тарбияланувчиси ҳисобланади. У 2017 йилдан буён Голландия терма жамоасида ҳаракат қилиб келмоқда.

Футболчи якунланган мавсум барча турнирларда 45та ўйинда майдонга тушиб, 6та гол ва 1та ассистга эришган.

Де Лигт "кекса синьора" билан 2024 йилгача бўлган шартномага имзо чекиши ва йилига 12 миллион евро маош олиши кутилмоқда.