Даврон Ҳошимов: "Навбаҳор"га Сербиядан футболчилар келиб қўшилиши мумкин, таркибимиз яна кучаяди"
07 янв 2021 12:05
Янгиликлар

Даврон Ҳошимов: "Навбаҳор"га Сербиядан футболчилар келиб қўшилиши мумкин, таркибимиз яна кучаяди"

"Навбаҳор" жамоаси 4 январь санасидан эътиборан қишки ўқув-машғулот йиғинига киришди.

Жамоа аъзолари дастлабки кунги машғулотларни "Ёш куч" стадионида ўтказди. Машғулотлар якунида "лочинлар"нинг тажрибали футболчиси Даврон Ҳошимов клуб матбуот хизматига фикрларини билдириб ўтди.

"Авваламбор янги кириб келган 2021 йил билан табриклайман. Барча учун омадли келишини тилаб қоламан. Жамоанинг янги мураббийлари мен учун бегона эмас. Бу икки мураббий билан "Пахтакор" жамоасида бирга фаолият олиб борганман. Улар аҳил жамоа шакллантиришни уддасидан чиқишади деб ўйлайман. Боиси Нўъмон акани ўзлари ҳам футболчи бўлганлар, шогирдларини яхши тушунадилар. Кўрсатмаларини ва топшириқларини бажариб ишончни оқлашга ҳаракат қиламиз. Таркибимиз яна кучаяди, Сербиядан футболчилар келиб қўшилиши мумкин. Суперлигада кучли учликка кириш вазифамиз ҳисобланади. Раҳбарият томонидан яратиб берилган шароитлар учун миннатдорчилик билдирамиз. Ўтган мавсум барчамиз учун оғир келди, ўзимиз ҳам мағлубиятга учрашни истамагандик. Бу йил барча мусобақаларга қаттиқ киришган ҳолда ишончларни оқлаймиз",- дейди Даврон Ҳошимов.