UZ

Сўнгги янгиликлар

02:54Ла Лига. "Барселона" ўз уйида "Валенсия"га 7та гол урди!  49 01:55АПЛ. Лисандро Мартинеснинг голи МЮга меҳмонда "Фулхэм"га қарши ўйинда ғалабани тақдим этди  12 01:48Саудия Арабистони чемпионати. "Ал Насср" ўз уйида "Ал Фотиҳ"ни мағлуб этди, Роналдудан гол  0 00:38Каземиро Туркияга йўл олиши мумкин  0 00:03А Серия. "Интер" меҳмонда "Лечче"ни аяб ўтирмади  0 23:28Ўзбекистон U-16 ҳам Саудия Арабистонидан устун келди  2 23:17Англияликлар Ҳусановнинг дебюти ҳақида нималар деб ёзишди? Журналистларнинг фикри ва ижтимоий тармоқлардаги изоҳлар  36 21:36"Барселона" ушбу қишда Неймарни ортга қайтариши мумкин эди  5 21:05АПЛ. "Тоттенхэм" ўз уйида кутилмаганда "Лестер"га мағлуб бўлди  10 20:58А Серия. "Рома" меҳмонда "Удинезе"ни мағлуб этди, Шомуродов иккинчи бўлим бошида майдонга тушди  22 20:37Ўзбекистон U-20 терма жамоаси Хитойдаги йиғинга кимларни жалб қилди?  3 20:21Ўртоқлик учрашуви. Ўзбекистон U-17 терма жамоаси Саудия Арабистонини мағлуб этди  8 20:01"Челси" аёллар футболи тарихидаги энг қиммат трансферни амалга оширди  3 19:28"Лечче" "Манчестер Юнайтед"га яна "йўқ" деди  2 19:01Лондон клуби Рэшфорд учун курашда кутилмаганда етакчилик қилмоқда  3

Даврон Файзиев: "АГМКга қарши ўйингача Сидоров ва Сидиқов сафга қайтади" Янгиликлар

Даврон Файзиев: "АГМКга қарши ўйингача Сидоров ва Сидиқов сафга қайтади"

Coca Cola Суперлигаси 17-туридан ўрин олган "Металлург" – "Қўқон-1912" (0:0) ўйинидан кейин меҳмонлар бош мураббийи Даврон Файзиев фикрларини билдирди.

- Ўйин ҳақида

- Авваламбор, ҳаммага салом. Эртадан кейин Мустақиллик байрамимиз. Шу муносабат билан бутун элимизни байрам билан муборакбод этаман. Уларга соғлиқ, тинчлик-хотиржамлик тилайман. 

Ўйин ҳақида тўхталадиган бўлсам, 17-турни якунлаб бердик. Жамоа қўл остимдаги 4-ўйинида қатнашган бўлса, бугун биринчи таймда энг ёмон ўйинимизни ўтказдик, деб ўйлайман. Иккинчи таймда гувоҳи бўлганингиздек, ўйин жуда қизиқарли кечди. Ютишимиз ёки юқтазишимиз ҳам мумкин эди. Лекин дуранг адолатли натижа бўлди. Икки жамоада ҳам юз фоизлик имкониятлар юзага келганига қарамасдан, нуқта қўядиган футболчи топилмади. Икки жамоа ҳам бугун ютқазишни истамади ва ғалаба учун майдонга чиққани билиниб турди. 

Ўз йўлимизда юришда давом этамиз. Охирги ўйинларда ғалабага яқин кела туриб дуранг ўйнаяпмиз. Бу ким учундир қониқарли ва қониқарсиз. Мен учун бу қониқарсиз ҳолат. 

Камчиликларимиз кўзга кўринди. Клубимиз тез орада оёққа туриб кетади, деган умиддаман. 

- "Қўқон-1912"да жароҳат олган футболчиларнинг ўрни яққол сезилмоқда. Уларнинг ҳолати қандай? Танаффусдан кейин сафга қайтишадими?

- Икки ўйиндан бери асосий футболчиларимиз – Андрей Сидоров, Анвар Хожимирзаев, Жавоҳир Сидиқовсиз ўйнаяпмиз. Уларнинг ўрнини тўлдиришга ҳаракат қилдик, лекин барибир ўринлари сезилди. 9 сентябрь куни кечадиган АГМКга қарши ўйингача Сидоров ва Сидиқов сафга қайтади. Хожимирзаевга эса яна озроқ вақт керак, чунки шифокорларимиз яна 15 кун бор, дея хулосаларини билдиришди. 

- Ўзингиз таъкидлаганингиздек, "Қўқон-1912"ни умуман таниб бўлмади. Бунинг сабаби нимада?

- Тўғрисини айтсам, тайёргарлигимиз нотўғри бўлди. Муаммоларимиз ўзимизга яраша етарли эди. Аммо буни рўкач қилишни хоҳламайман. Йигитларда ички муаммомиз таъсири сезилди. Масалан, майдон томонлама қийналдик. Бундан ташқари, футболчилар тикланиш жараёнида қийинчиликка дуч келдик. Витаминизация ҳам йўқ эди, десам ҳам тўғри бўлади. Лекин бу баҳона эмас. Сиз айтганингиздек, бошқарувимдаги энг ёмон ўйинларимиздан бирини ўтказдик. Буни тан олиш лозим. 

Иккинчи таймда ўйин анча тенглашди. Эътибор берган бўлсангиз, ўзгаришлар қилишга ҳам шошилмадик. Захирамизда ўйинни кучайтирадиган футболчилар кам эди. Биз кўпроқ ҳимояга эътибор қаратишга ҳаракат қилдик. Ўз имкониятларимизни кутдик ва яратдик ҳам, бироқ фойдалана олмадик. 

- Охирги дақиқаларда жамоангиз очиқчасига дуранг учун ўйнагани билинди...

- Ҳозир ҳар бир очко биз учун олтинга тенг. Тўғри айтяпсиз, охирги 10 дақиқада 1 очко учун ҳаракат қилдик. Ўйин давомида ўзим ҳам буни йигитларга уқтирдим. 

Бугун ўйин олдидан футболчиларга дарвозани "қуруқ" сақлаш лозимлиги ва имконият юзага келтириб, албатта гол уришимизни айтгандим. Дарвозамиздан тўп олиб чиқмадик, лекин гол ҳам ура олмадик. Охирги 10 дақиқада ҳеч иккиланмай дуранг учун ўйнадик.

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика