Даврон Файзиев: "Навбатдаги мақсадимиз Фарғонада камида бир очко олиш"

"Ўтган турда "Пахтакор"га қарши ўйинда анча вақт ҳисобда олдинда бориб якунда аламли мағлубиятни қабул қилиб олгандик. Йигитлар ўша ўйиндан сўнг руҳий тушкунликка тушиб қолишганди. Бугунги ўйин бошида айнан шу нарса бизга таъсир қилди. Бундан ташқари бир қатор ўйинчиларимиз жароҳатларини даволашмоқда ва бугун ўйнай олишмади", - деб гап бошлади Даврон Файзиев.

"Захирадан майдонга тушган ёшларимиз ўйинни кучайтира олишди. Бундан ташқари жароҳатини даволаб майдонга қайтган тажрибали Ренат Байрамов дублга эришди ва жамоамизни ғалабасига катта ҳисса қўшди".

"Навбатдаги вазифамиз "Нефтчи"га қарши Фарғонадаги ўйинга яхши тайёрланиш. Мақсадимиз водийдан камида бир очко олиб қайтиш".