Дани Алвес: "Барселона"да мени қадрлашмади"

"Эгоист эмасман. "Барселона"ни доим соғинаман. У ерни ўзимнинг уйимдек биламан. Ўша кунлари 8 йил давомида "Барселона"да ўйнаб, орқа эшикдан кетишимни айтгандим.

Жаҳлим чиқди, "Барселона" учун кўр иш қилдим, бироқ улар менга янги шартнома таклиф қилишмади. Ўшанда энг яхши мавсумимни ўтказгандим. Мени қадрлашмади.

"Реал" менга икки баравар пул таклиф қилганди, лекин "Барса"ни танлагандим. Бироқ кетадиган вақтни ўзим танламоқчи эдим. Таслим бўлдим ва шунчаки бошимни эгиб, у ердан кетдим.

Афсусланмайман, барчанинг олдида виждоним тоза бўлиб қолди. Аммо қайтадиган эшикни қаттиқ ёпиб кетганим йўқ", - деди Алвес.