Д‘Амброзио: "Интер" учун маошимнинг пасайишига ҳам рози бўлганман"

33 ёшли футболчи жамоасини ўзгартирмоқчи эмас. У клуб таклиф қилган шартномага розилик берган.

"Маошимнинг камайишига рози бўлдим. Чунки бу ранглар мен учун энг муҳими. Фаолиятимни "Интер"да якунлашни истайман.

"Интер"га ким келишидан қатъи назар барча учун қоидалар бир эканлигини ҳамма билиши керак. Либоснинг орқа томонидаги ном олди томондаги эмблема учун муносиб бўлиши лозим", - деди футболчи.

Данило Д‘Амброзио 2013 йилдан буён "Интер"да ўйнамоқда. Ўтган мавсумда у жамоа билан А Серия  чемпионлигини қўлга киритди. Бу унинг фаолиятидаги ягона соврин ҳисобланади.