Coca Cola Суперлига. Термизда аутсайдерлар баҳси, Олмалиқда эса пешқадамлар тўқнашуви
01 ноя 2020 07:30
Янгиликлар

Coca Cola Суперлига. Термизда аутсайдерлар баҳси, Олмалиқда эса пешқадамлар тўқнашуви

Бугун Суперлиганинг 22-туридан ўрин олган навбатдаги икки учрашув бўлиб ўтади.

СУРХОН – АНДИЖОН
1 ноябрь 2020 йил. Термиз. "Сурхон" стадиони. 15:00
Ҳакамлар: Равшан Абдувоҳидов, Зуфар Элибоев, Фарҳод Усмонов, Достон Раҳмонов
Назоратчи: Бахтиёр Тоғаев
Комиссар: Жаҳонгир Раҳматуллаев

Бу икки жамоа ҳозирга қадар Ўзбекистон чемпионати доирасида 27 марта тўқнаш келган. Натижалар водий клубининг устунлигини кўрсатмоқда. "Андижон" 15 марта, "Сурхон" 7 марта ғалаба қозонган, қолган бешта учрашувда дуранг қайд этилган.

"Андижон" Термизда сўнгги бор 2003 йилги мавсумда ғалабага эришган. Шундан кейин Термиздаги икки баҳсда водий клуби 3 очкони қўлга кирита олмаган.

Биринчи даврада Андижонда ўтган баҳсда "Сурхон" 1:0 ҳисобида ғалаба қозонган эди.

Сурхон

Абдуқаҳҳор Хожиакбаров - 77'

Суперлига. 22-тур

01/11/2020, 15:00

Тугади

Андижон

45'

90'

Матч-центрда очиш

АГМК – ПАХТАКОР
1 ноябрь 2020 йил. Олмалиқ. ОКМК стадиони. 17:00
Ҳакамлар: Акобирхўжа Шукуруллаев, Жалғасбай Сарсенов, Дамир Искандеров, Абдурашид Худойберганов
Назоратчи: Ноил Лутфуллин
Комиссар: Муҳаммад Содиқ Содиқ-Охунов

Бу жамоалар бугунга қадар Ўзбекистон чемпионатида 25 марта ўзаро ўйин ўтказишган. 18 беллашувда "Пахтакор" ғалаба қозонган. 3 баҳсда дуранг қайд этилган бўлса, 4 марта АГМК зафар қучган. Олмалиқда кечган 12 ўйиннинг 9тасида "Пахтакор" устун келган. АГМК эса ўз майдонида 3та учрашувда ютуққа эришган.

Олмалиқда ўтган охирги икки учрашувда АГМК бу рақиб дарвозасига гол ура олмаган ва "Пахтакор" икки бор ғалабага эришган.

Биринчи даврада "Пахтакор" майдонида ўтган учрашувда 2:2 ҳисоби қайд этилган эди.

ОКМК

Мате Ватсадзе - 45'

Суперлига. 22-тур

01/11/2020, 17:00

Тугади

Пахтакор

Жалолиддин Машарипов - 24', Достонбек Ҳамдамов - 32', Игорь Сергеев - 43', Драган Черан - 60', Достонбек Ҳамдамов - 71'

45'

90'