Лондоннинг "Челси" клуби Жозе Моуриньюни бош мураббийликка таклиф қилмайди, деб хабар бермоқда "Daily Mail".
Хабар қилинишича, "кўклар" Италиянинг "Рома" жамоасини тарк этиб, январь ойи ўрталаридан бери ишсиз юрган 61 ёшли португалиялик мутахассисни ортга қайтаришдан манфаатдор эмас.
Аввалроқ "Челси"нинг амалдаги бош мураббийи, аргентиналик 52 ёшли Маурисио Почеттино ўз лавозимини тарк этиши мумкинлиги ҳақида хабар берилганди.
