"The Telegraph" журналисти Мэтт Лоунинг таъкидлашича, "Челси" ярим ҳимоячиси Н'Голо Канте мушагидан олган жароҳати туфайли кейинги 3-4 ҳафтани ўтказиб юбориши мумкин.
Эслатиб ўтамиз, франциялик футболчи Англия чемпионатининг 2-турида "Тоттенхэм"га қарши кечган "Лондон дербиси" (2:2) якунида жароҳатга йўлиқиб, майдондаги ўрнини Конор Галлахерга бўшатиб беришга мажбур бўлганди.
Маълум қилинишича, Канте тез орада текширув натижаларини олади. Шу орқали қанча муддатга сафдан чиққани аниқ бўлади. "Челси" футболчининг жароҳати жиддий эмаслиги ва у яқин орада умумий гуруҳдаги машғулотларни давом эттира олишига умид қилмоқда.
