Бузакка: "Агар VAR тизими ЖЧда ақл билан ишлатилса, ҳаммаси жойида бўлади"
12 июн 2018 11:33
Янгиликлар

Бузакка: "Агар VAR тизими ЖЧда ақл билан ишлатилса, ҳаммаси жойида бўлади"

Теглар : ЖЧ-2018 Массимо Бузакка

ФИФА ҳакамлик департаменти раҳбари Массимо Бузакка Россиядаги жаҳон чемпионатида ишлатиладиган видеоассистент тизими (VAR) ҳақида фикр билдирди.

"Анчадан бери VAR тизими билан ишлаймиз ва уни мундиалда қўллаб кўрмоқчимиз. Ҳакамларнинг катта қисми тизим билан таниш ва у билан ишлай олади. Жаҳон чемпионатида хато қилишга ҳаққимиз йўқлигини биламиз. Агар реферилар тартибли ишлашса, VAR тизимидан ақл билан фойдаланилса, ҳаммаси жойида бўлади. Албатта, идеал тизим мавжуд эмас.

Тайёргарлик жараёнида майда деталларга ҳам эътибор қаратиш керак. Хато қилмасак, ўрганмаймиз. Агар бу тизимдан фойдаланишга қарор қилган бўлсак, демак аввалги жаҳон чемпионатларида муаммолар бўлган. Аввалги услубдан кўра янги технологияларни қўллаганимиз ҳаммага маъқул келса керак" - дейди Бузакка.

Ҳавола :

Манба : RT на русском

Янгиликларни Телеграмда ўқинг!

Рейтинг: +4