"Бухоро"га "Рубин" клубининг собиқ спорт директори бош мураббий бўлади

Музокаралар давомида собиқ футболчи, Россиянинг "Локомотив", "Спартак", Туркия, Австрия ва Ўзбекистон клубларида тўп тепган, Бухоро мухлисларига ҳам таниш бўлган мураббий Муҳсин Муҳаммадиев бош мураббий сифатида танланди.

Муҳсин Муслимович 2003-2008-йиллар мобайнида Россиянинг Подолск шаҳрининг "Витязь" футбол клуби мураббийлар штабида фаолият олиб борган ва бош мураббий сифатида ушбу клуб билан 2007 йили иккинчи дивизион ғолиби ва ПФЛ кубоги соҳиби бўлган. Сўнгра Қозон шаҳрининг "Рубин" жамоасида тўрт йил спорт директори лавозимида фаолият олиб борган (2008-2009-йиллар "Рубин" жамоаси Россия чемпионати ғолиби). 2013 йил Тожикистон терма жамоаси бош мураббийи ҳамда 2016-2017-йиллар давомида "Истиқлол" жамоаси билан Тожикистон чемпиони бўлга.

Бугун мураббий Бухорога етиб келиши ҳамда "Бухоро" билан шартнома имзоланиши кутилмоқда.