Бухоро вилояти ҳокими ўринбосари "Бухоро" клуби янги раҳбариятига қарздорликини ёпиш вазифаси қўйди
03 янв 2021 18:57
Янгиликлар

Бухоро вилояти ҳокими ўринбосари "Бухоро" клуби янги раҳбариятига қарздорликини ёпиш вазифаси қўйди

Теглар : Бухоро

Бир неча кун олдин, “Бухоро” клубида раҳбарият алмашгани ҳақида хабар берган эдик.

Жамоада жиддий ўзгаришлар давом этмоқда. Бизгача келган маълумотларга қараганда, Бухоро вилояти ҳокими Ботир Зарипов вилоят бош жамоаси раҳбариятига жамоани янги босқичга олиб чиқишни тайинлаган.

Бухоро вилоят ҳокимининг туризм ва спортни ривожлантириш масалалари бўйича ўринбосари Ботир Шахриёров эса клуб янги раҳбарияти олдига 3-4 кун давомида йиғилиб қолган қарздоликларни ёпиш ва бундан ташқари бир қатор вазифаларни қўйган.

Жамоага янги бош мураббий сифатида Даврон Файзиев тайинланиши кутилмоқда. Файзиев билан оғзаки келишувга эришилган ва унга жамоани Суперлигага олиб чиқиш вазифаси қўйилган.

Шунингдек, 2018 йилда “Навбаҳор” жамоасида клуб директори вазифасида фаолият олиб борган Расул Акрамов “Бухоро” клубининг раҳбар лавозимларидан бирига келиши кутилмоқда.

Ҳавола :

Манба : championat.asia

Янгиликларни Телеграмда ўқинг!

Рейтинг: +2