"Бухоро" эртага Тошкент йиғинини якунлайди

Шундан сўнг пойтахтдаги йиғин якунига етади. Кейин жамоа ўз қароргоҳига йўл олади. Иккинчи давра баҳсларига қадар ўз базасида тайёргарлик кўриш режалаштирилган.

Хабарингиз бўлса керак, "Бухоро" пойтахтдаги йиғини чоғида "Пахтакор", "Қизилқум" ҳамда "Металлург" каби жамоаларга қарши синов-назорат учрашувини ўтказди. Мана шу ўтказилган баҳслар орқали мураббийлар штаби кўрикдан бўлган футболчиларнинг имкониятларини кўздан кечирди. Маълум бўлишича, Санжар Асқаралиев, Отабек Исроилов, Руслан Боқиев, Анвар Ражабов, Отабек Нарзуллаев (суратда) расман "Бухоро" аъзосига айланди. Шунингдек Молдавиядан келган Дмитрий Попович ҳам иккинчи даврани бухороликлар таркибида ўтказадиган бўлди.

Жамоани тарк  этганлар хусусида эса шуни айтиш мумкинки, Георги Квесиашвили, Феруз Бобоқулов, Андрей Акопянц, Азиз Ғуломхўжаев ҳамда Элёр Акбаров сингари футболчилар мавсумнинг иккинчи ярмида ўзга клубда ўйнайдиган бўлди.