"Бунёдкор" стадиони майсаси яна янгиланади

"2023 йилнинг март ойида Ўзбекистон U20 Осиё чемпионатига мезбонлик қилади. Бунинг учун Бунёдкор стадиони зарур. Бироқ унинг майсаси ҳолати қандай эканлигини U23 Осиё чемпионати финалида ҳамма кўрди. 

Шундан келиб чиқиб, Бунёдкор ҳомийлари майдонни тўғрилаш учун яна бир марта ҳаракат қилиб кўрмоқчи. Март ойига стадионни тайёр қилиш учун, уни ҳозирдан ёпиш зарурияти вужудга келиши мумкин. Агар шундай бўлса, Бунёдкор иккинчи давра ўйинларини бошқа стадионда ўтказиши мумкин", — деб ёзди ПФЛ бош директори Диёр Имомхўжаев телеграмдаги ўз каналида.