"Бунёдкор" рақиблари. “Лаҳвия”да ғалаба, “Пирузи”да дуранг

Қатар чемпиони “Лаҳвия” 18-тур доирасида аутсайдер “Ал-Шамол” клубини қабул қилиб, кичик 1:0 ҳисобида ғалаба қозонди. Ягона гол “Лаҳвия”нинг испаниялик легионери Чико Флорес ҳисобига ёзилди.

“ЛАҲВИЯ” – “АЛ-ШАМОЛ” 1:0
Гол: Чико Флорес 34
“Лаҳвия” таркиби: 40.Аддани, 6.Дейм Траоре (7.Ҳолид Муфтаҳ 66), 4.Чико Флорес, 19.Аҳмад Ёсир, 79.Владимир Вайс (10.Тай Хи Нам 76), 12.Карим Боудиаф, 20.Али Ҳассан, 28.Юсуф Мсакни, 23.Себастян Сория (5.Муҳаммад Раззоқ 65), 14.Муҳаммад Тресор, 9.Абдулраҳмон Моҳд

Айни пайтда “Лаҳвия” 18 учрашувда 42 очко жамғарган ҳолда Қатар юлдузлар лигаси турнир жадвалида пешқадамлик қилмоқда.

Эроннинг “Пирузи” клубининг Эрон про-лигасидаги ишлари бу йил у қадар юришмаяпти. Теҳронликлар 21-тур доирасида “Сабо Қум” жамоасини қабул қилишиб, 0:0 ҳисобидаги нурсиз дурангга рози бўлишди.

“ПИРУЗИ” – “САБО ҚУМ” 0:0
“Пирузи” таркиби: 1.Макони, 4.Умана, 99.Хотами, 26.Али Асқари, 2.Алишоҳ (11.Содеғиан 63), 20.Нурмуҳаммади, 14.Муҳаммад Нури, 66.Фернандо Габриэль, 28.Нуроллаҳи, 24.Наурози (77.Алипур 90+2), 17.Тароми (33.Аббосзода 76)

“Пирузи” 21 ўйинда 26 очко тўплаган ҳолда турнир жадвалининг 9-поғонасини банд этиб турибди.