2006 yil. 1/16 final. “Bunyodkor” – “Shayxontohur” 3:1
2007 yil. 1/16 final. “Shahrixon” – “Bunyodkor” 1:3
2008 yil. 1/8 final. “Jayhun” – “Bunyodkor” 0:2
2009 yil. 1/8 final. “Dinamo Qarshi” – “Bunyodkor” 0:2
2010 yil. 1/16 final. “Buxoro” – “Bunyodkor” 0:2
2011 yil. 1/16 final. “Xiva” – “Bunyodkor” 1:3
2012 yil. 1/16 final. “Bunyodkor” – “Nasaf-2” 5:0
2013 yil. 1/4 final. “Bunyodkor” – “Mashal” 1:1
2014 yil. 1/4 final. “Bunyodkor” – “Olmaliq” 2:2
2015 yil. 1/8 final. “Bunyodkor” – “Obod” -:-
Raqibimiz “Obod” bir uchrashuvdan iborat 1/16 final bosqichida Navoiyning “Qizilqum” klubini 5:3 hisobida mag'lubiyatga uchratib, nimchorak finalga yetib keldi. Endi birinchi liga peshqadamlaridan biri uy-safar tizimida o'tkaziladigan bahslarda “Bunyodkor” bilan kuch sinashib ko'radi.
Bugungi kunda “Obod” tarkibida bir paytlar “Bunyodkor” yoshlar jamoasi sharafini himoya qilishgan 11 nafar futbolchi to'p tepmoqda. Bular: Viktor Mochalov, Sanjar To'raqulov, Araik Boboev, Aziz G'ulomxo'jaev, Doniyorbek Hasanov, Sherzod Jalilov, Ulug'bek Dadaboev, Zarbullo Umarov va Rasuljon Shuhratov.
Birinchi liganing 8-tur uchrashuvlaridan so'ng “Obod” jamoasi 16 ochko jamg'argan holda turnir jadvalining 3-pog'onasini band etib turibdi. Xayrulla Abdiev ustozlik qilayotgan jamoa 8 uchrashuvda raqiblarida darvozasini 22 bor ishg'ol qilib, o'z “postidan” 6ta to'p o'tkazib yubordi. Hujumchi Alisher Azizov 7ta goli bilan jamoaning eng yaxshi to'purari bo'lib turibdi.
O'zPFL “Bunyodkor” – “Obod” uchrashuviga buxorolik Ilgiz Tantashev boshchiligidagi hakamlar guruhini tayinlagan. Qanot hakamlari – Artyom Kalinin (Qarshi), Aleksandr Sidorov (Toshkent). Zahira hakami – Ahmadjon Ergashev. Nazoratchi – Alisher Abdullaev (Toshkent).
Mamlakat kubogining nimchorak final bosqichi birinchi uchrashuvlari doirasidagi “Bunyodkor” – “Obod” uchrashuvi 19 may kuni “Bunyodkor” stadionida soat 19:00da boshlanadi.