"Бунёдкор": "Фулад" ҳам, "Ал Фатеҳ" ҳам ғалаба қозонди

Ахвазликлар 22-турнинг марказий учрашувида чемпионат пешқадами – Теҳроннинг “Пирузи” клубини қабул қилишди. Аввалига учрашувнинг 25-дақиқасида пойтахтликлар Саид Меҳдининг гол эвазига олдинга чиқиб олишди. Орадан роппа-роса ўн дақиқа ўтиб, Исмоил Шарифат ўзининг ажойиб зарбаси билан ҳисобни тенглаштирди. Ўйин дуранг натижа билан якунланиб бораётган бир пайтда (89-дақиқада) Араш Афшин “Пирузи” дарвозасини ишғол қилиб, “Фулад”га жуда муҳим бўлган уч очкони тақдим қилди.

Ушбу ғалабадан сўнг “Фулад”нинг очколари сони 42тага етди ва улар мусобақа жадвалининг 11 январь кунги ҳолати бўйича пешқадамга айланишди. 41 очко билан иккинчи поғонада бораётган “Истиқлол” клуби ушбу турдаги учрашувини эртага ўтказади.


Кеча Саудия Арабистони чемпионатининг 17-тур учрашувлари бўлиб ўтди.

Ушбу тур доирасида Осиё Чемпионлар лигасидаги рақибимиз, Саудия Арабистони чемпионатининг амалдаги ғолиби – “Ал-Фатеҳ” клуби ўз майдонида пойтахтнинг “Ал-Шабаб” жамоасини қабул қилди.

Қизиқарли кечган учрашувда ал-аҳсаликлар 2:1 ғисобида ғалаба қозонишди. Ушбу ғалабадан сўнг очколари сонини 21тага етказиб олган “Ал-Фатеҳ” мусобақа жадвалининг 7-поғонасига кўтарилиб олди.