"Бунёдкор" энди футболчиларга овқат бермайдими?

Мазкур учрашувда 1:1 ҳисоби қайд этилди. Ҳозирги ёзадиганларимиз ўйин ҳақида эмас.

Кеча жамоа аъзолари ўйиндан бир кун олдин доимгидек клуб базасида йиғилган ва футболчилар ўша ерда қолишган. Бироқ машғулотлардан қайтган футболчилар базада кейин кечки овқат йўқлигидан хабар топишган. Бундан хайрон бўлган футболчилар ўртада пул йиғиб кечки овқат қилишган.

Бугун "Бухоро"га қарши баҳсдан кейин ҳам худди шу вазият такрорлангани ҳақида хабар топдик. Тўғри "Бунёдкор"нинг кўплаб футболчилари Тошкентда яшайди ва ўз уйларига кетишади, базада 15 нафарга яқин ёш футболчилар истиқомат қилишади.

"Бунёдкор"да яқиндагина раҳбарият ўзгарди. Эшитишимизга қараганда, янги раҳбар клуб аъзолари билан кўришмаган ҳам, танишмаган ҳам. Балки бундан кейин барчаси ўзгаргандир, балки энди "Бунёдкор" футболчилари базада ўз ҳисобларидан овқатланишга мажбур бўлишар. Клубда молиявий муаммолар бўлиши мумкин. Пул йўқдир, аммо нима бўлган тақдирда ҳам майдонга тушиб ўйнаётган футболчиларда ҳеч айб йўқ.  

Тез орада бу вазият ижобий ҳал этилади деб умид қиламиз.

Нарзулла Сайдуллаев