“Бунёдкор” бугун Хитой клуби билан ўйнайди
25 янв 2016 12:29
Янгиликлар

“Бунёдкор” бугун Хитой клуби билан ўйнайди

Тошкентнинг “Бунёдкор” жамоаси бугун БААда давом этаётган йиғин доирасидаги тўртинчи назорат учрашувини ўтказади.

Спарринг рақибимиз – 2015 йил Хитой чемпионатида 5-ўринни банд этган “Хенан Жианье” клуби бўлади.

“Бунёдкор” – “Хенан Жианье” учрашуви Дубайдаги “Жебел Али” мажмуасига қарашли майдонда маҳаллий вақт билан соат 16:00да (Тошкентда 17:00 бўлади) бошланади.

Эслатиб ўтамиз, “қалдирғочлар” бунгача Россия премьер-лигасининг учта вакили билан куч синашди. “Анжи” 3:2 ҳисобида мағлубиятга учратилди, “Амкар” билан 1:1 ҳисобидаги дуранг натижа қайд этилди. Москванинг “Локомотив” клубига 0:3 ҳисобида имконият бой берилди.

Ҳавола :

Манба : fcbunyodkor.com

Янгиликларни Телеграмда ўқинг!

Рейтинг: +2