Бугун Про-лигада 18-тур учрашувлари бўлиб ўтади. Фарғонада марказий ўйин бор

«Хоразм» клуби ўз майдонида охирги турларга келиб натижаларини яхшилаб олган «Янгиер»ни қабул қилади. Мавсумни 5-ўринда тугатишни режалаштираётган Александр Ежов жамоасига ушбу ўйинда осон бўлмайди. Ҳар ҳолда Азамат Абдураимов истеъфосидан сўнг «Янгиер» натижалари яхшиланди. Дарвоқе, бугун «Хоразм» етакчи футболчиларидан бири Саиджамол Давлатжонов жамоасига ёрдам бера олмайди. Аввалги турда футболчи қизил карточка билан олганди.

Самарқандда «Динамо» клубини қийин ўйин кутмоқда. Бугунги рақиб «Олимпик» жамоаси ҳисобланади. Темур Кападзе шогирдлари асосан ёш футболчилардан иборат бўлса-да, Про-лигада ҳар қандай жамоага жиддий қаршилик кўрсатмоқда.

«Нефтчи» эса «Бухоро»ни қабул қилади. Турнинг марказий учрашуви дейиш мумкин. Бу ўйинда Илҳом Мўминжонов жамоасини фақат ғалаба қониқтиради. Ўз навбатида «Бухоро»га ғалаба жуда зарур. Акс ҳолда бухоролик мухлислар орасида Усмон Тошевга нисбатан ишончсизлик пайдо бўла бошлайди.


Про лига. 18-тур
12 сентябрь, якшанба
17:15 - ХОРАЗМ – ЯНГИЕР
Ҳакамлар: Раҳимбек Каримов, Жасур Рустамов, Амал Султонов
Назоратчи: Исхах Ибрагимов
Комиссар: Рустам Зупаров

18:20 - ДИНАМО – ОЛИМПИК
Ҳакамлар: Достон Мирзараимов, Маҳмуд Турдиев, Феруз Достонов
Назоратчи: Рустам Бобомуродов
Комиссар: Бекзод Арипов

18:20 - НЕФТЧИ – БУХОРО
Ҳакамлар: Аскер Нажафалиев, Ҳусниддин Баходиров, Ойбек Калахўжаев
Назоратчи: Андрей Тамбовцев
Комиссар: Александр Давиденко.