Бугун Осиё чемпионларини кутиб оламиз, тайёргарлик жиддий

Ўзбек футболида ҳам янги саҳифа очилди. Ёшларимиз яшил майдонда ўз сўзини айтди.

Ўзбекистон U23 терма жамоаси Хитойда ўтказилган Осиё чемпионатида ғолиб бўлди. Ўзбек халқининг ёшу қариси ушбу хушхабардан осмон қадар қувонди.

Бугун улар Тошкент вақти билан 23:50да Тошкентга етиб келишади. Давлат ва нодавлат ташкилотлари вакиллари, эл ардоғидаги санъаткорлар, деярли барча барча ОАВ воситалари, Ёшлар иттифоқи фаоллари жам бўладиган ҳаяжонли дақиқаларга гувоҳ бўлинг.

Сизни ёш чемпионларимизни кутиб олиш маросимига таклиф этамиз!

Кутиб олиш жойи — Ислом Каримов номидаги Тошкент халқаро аэропорти.

Кейин улар «Ўзбекистон» меҳмонхонасида шахсан Ўзбекистон Республикаси Президенти Шавкат Мирзиёевнинг топшириғи билан тақдирланади.

Бугун бизда ватанпарварлик, миллий ғурур байрами! Албатта, келинг! Ёшларимизнинг ғалабасини биргаликда олқишлаймиз!

Маълум бўлишича, соат 00.00 да улар чиққан автобус Аэропорт терминал-3 (маҳаллий),  Бобур, Нукус, Афросиёб, Ш.Рашидов, Навоий кўчаси ҳамда А.Темур айланмаси ва Ўзбекистон меҳмонхонаси бўйлаб ҳаракатланади!