Бугун кун тартибидан иккита ўйин ўрин олган. БААнинг "Ал Ваҳда" клуби ўз майдонида Саудия Арабистонининг "Ал Наср" клубини қабул қилса, Қатар пойтахти Доҳада "Зобаҳан" - "Ал Иттиҳод" учрашуви бўлиб ўтади.
Ар Риёд шаҳридаги "Қирол Фаҳд" стадионида бўлиб ўтган беллашувда "Ал Наср" - "Ал Ваҳда" қарама-қаршилиги 1:1 ҳисобида якун топганди. Бугун Абу Дабидаги "Ал Наҳян" стадионида янада қизиқ беллашув кечиши кутилмоқда. Ўйин бизнинг вақт билан 20:40да старт олади.
Саудия Арабистонининг бошқа бир жамоаси "Ал Иттиҳод" мезбон сифатида "Зобаҳан" билан бир ҳафта олдин Дубайда куч синашганди. Жавоб учрашуви сифатида Доҳа танланди ва бунда "Зобаҳан" мезбон бўлиб ўйнайди. Бу учрашув 00:00га белгиланган. Биринчи ўйинда саудияликлар 2:1 ҳисобида зафар қучишган.
Бугун бўлиб ўтадиган икки учрашувдан сўнг чорак финалга йўл олган иккита жамоа номи маълум бўлади.
