Бугун футзал бўйича Ўзбекистон кубоги финали бўлиб ўтади

Ҳал қилувчи баҳсда Тошкентнинг "Ардус" ва Олмалиқнинг "Олмалиқ" жамоалари ўзаро ғолиблик учун беллашадилар.

"Ардус" ярим финалда "Металлург"ни 5:1 ҳисобида таслим этган бўлса, "Олмалиқ" "Дўстлик-AIN"ни кичик ҳисоб (2:1)да енгиб финалга чиқди.

Бу жамоалар кетма-кет учинчи йил кубок финалида ўзаро тўқнаш келадилар. Олдинги икки йилда ғолиблик "Ардус"га насиб этган.

Бугунги финал қарама-қаршилиги 18:00да "Ўзбекистон" спорт мажмуасида старт олади. Учрашув Спорт телеканали орқали тўғридан-тўғри эфирга узатилади.

Барча мухлисларни "Ўзбекистон" спорт мажмуасига таклиф этиб қоламиз. Аренага кириш бепул.