Бугун финал. Учрашув ҳақида сиз билишингиз керак бўлган маълумотлар

Реал – Ливерпуль
Шанба, 26 май, 23:45.
Киев, Олимпийский.
Бош ҳакам - Милорад Мажич

Бугун бутун дунёнинг нигоҳи Киевга қаратилади. Европанинг энг нуфузли турнирларидан бири - ЕЧЛнинг финал учрашувида "Реал" ва "Ливерпуль" ўзаро тўқнаш келади.

Томонларнинг ўзаро ўйинлари статистикасига қарайдиган бўлсак, "Ливерпуль"да кичик устунлик борлигини кўрамиз.

Ўтказилган 5 баҳсда ҳисоб қуйидагича: 3:2. Дастлабки, уч ўйинда "Ливерпуль"нинг (1:0, 1:0, 4:0) қўли баланд келган бўлса, сўнгги икки учрашувда мадридликларнинг (3:0, 1:0) ғалабаси қайд этилган. Голлар уришдаги нисбат ҳам "қизиллар" фойдасига: 6:4.

Аммо натижалар ўтмишда қолиб кетган. 26 май кунги учрашувда ҳеч қандай статистикага эътибор берилмайди. Икки томон ҳам ғалаба қозонишга интилади. "Реал" кетма кет учинчи, "Ливерпуль" эса 13 йилдан кейин илк ЕЧЛ совринини қўлга киритиш учун қаттиқ ҳаракат қилади.

ТАХМИНИЙ ТАРКИБЛАР

Ўйинда қатнашмайди: Матип, Окслейд-Чемберлен, Гомес (барчаси "Ливерпуль")

Жамоалар тўпурарлари

"Реал": Криштиану Роналду – 15

"Ливерпуль": Муҳаммад Салоҳ – 10, Роберто Фирмино — 10.

ҚИЗИҚАРЛИ МАЪЛУМОТЛАР

- "Реал" ва "Ливерпуль" ЧЛ финалида 1981 йилдаёқ тўқнаш келишган (ўшанда турнир Европа чемпионлари кубоги деб номланарди). Унда мерсисайдликлар 1:0 ҳисобида ғалабага эришишган.

- "Реал"нинг ЕЧЛдаги сўнгги 9 учрашувида ўртача 3,8тадан гол урилган. "Ливерпуль"нинг ЕЧЛдаги сўнгги 10та ўйинда эса ўртача 4,7тадан гол киритилган.

- "Ливерпуль" ЕЧЛдаги сўнгги 10 учрашувининг 9тасида 2 ва ундан кўпроқ гол киритган.

- "Реал" ҳам сўнгги 8 учрашувининг 7тасида 2 ва ундан кўпроқ гол урган.