Бугун финал. "Қизил иблислар" "аристократ"ларга қарши. Учрашув ҳақида сиз билишингиз керак бўлган маълумотлар (Превью)

"Челси" - "Манчестер Юнайтед"
Стадион: "Уэмбли", Лондон.
Англия кубоги. Финал.
Шанба, 19 май 2018 йил
Бошланиш вақти: 17:15 BST (21:15)

ТАРКИБЛАР ҲОЛАТИ

"Челси"

"Кўклар" бош мураббийи Антонио Контенинг тасдиқлашича, жароҳати сабабли Эмерсон учрашувга тайёр эмас. Бироқ у журналистларга жароҳатланган футболчилар ҳақида маълумот бермади.

Дисквалификация: Йўқ.
Жароҳатланганлар: Эмерсон.
Сўроқ остида: -

"Манчестер Юнайтед"

"Арсенал"га қарши баҳсда жароҳат олган Ромелу Лукаку бугун фитнес-тестдан ўтади ва унинг ҳолати маълум бўлади. Антони Марсьяль эса жароҳатидан фориғ бўлган ва у жамоадошларига ёрдам беришга тайёр.

Дисквалификация: Йўқ
Жароҳатланганлар: Йўқ
Сўроқ остида: Лукаку.

ЖАМОАЛАР ҲОЛАТИ

"Челси"
5-ўрин, 70 очко (АПЛда)
Сўнгги 5 учрашуви: М-Д-Ғ-Ғ-Ғ

Англия Кубогида

"Челси" - Англия кубогининг 7 карра эгаси ҳисобланади. "Кўклар" ушбу совринни сўнгги бора 2012 йилда қўлга киритди.

"Челси" учун бўлажак финал 13-чиси. Агарда жамоа ғалабага эришадиган бўлса, совриннинг 8 каррра соҳиби сифатида "Тоттенхэм" билан биргаликда совриндорлар рўйхатининг 3-поғонасидан жой олади.

"Челси" ушбу кубокнинг амалдаги финалчиси ҳисобланади. Ўтган мавсумда жамоа Алексис Санчес тўп тепган "Арсенал"га мағлуб бўлган.

"Челси" 2009 ва 2010 йилдан кейин Англия кубоги финалига илк бора кетма кет икки марта чиқди. Бироқ Антонио Конте мағлуб этиладиган бўлса, 1985 ва 1986 йилдан кейин илк марта "Эвертон"нинг натижасини қайд этади ва финалда кетма кет иккинчи бора ютқазган ҳисобланади.

Англия кубогининг 3-босқичида "аристократлар" "Норвич"дан устунроқ бўлишди (0-0, 1-1, пенальтилар сериясига кўра 5-3). 4-босқичда улар "Ньюкасл"ни 4:0, чорак финалда қўшимча вақтларда "Лестер" 2:1, ярим финалда эса "Саутгемптон" 2:0 ҳисобида мағлуб этилди.

"Манчестер Юнайтед"
2-ўрин, 81 очко (АПЛда).
Сўнгги 5 учрашуви: Ғ-Д-М-Ғ-Ғ

Англия Кубогида

"Манчестер Юнайтед" - Англия кубогининг 12 карра эгаси. Ушбу узоқ йиллик турнирда ундан кўпроқ "Арсенал" совринга эга чиқа олган - 13. Жамоа сўнгги бора 2016 йилнинг майида "Кристал Пэлас"ни мағлуб этган ва совринни қўлга киритган.

Финалларда 7 бора ютқазиб қўйишган. Сўнгги мағлубият 2007 йилда "Челси" билан баҳсда қайд этилган финалларда 0:1.

Ушбу финал манкунианликлар учун инглиз жамоалари орасидаги рекорд ҳисобланади. Агарда жамоа ғалабага эришадиган бўлса, "Арсенал" билан биргаликда совринни қўлга киритиш борасида рекордчига айланиб олишади.

"Манчестер Юнайтед" "Уэмбли"да 51 учрашув ўтказган. УНда 28 ғалаба, 5 дуранг ва 18 мағлубият қайд этилган.

Жамоа "Уэмбли"да 1983 ҳамда 1996 йилларда "Ньюкасл" устидан ўзининг энг йирик ҳисобдаги ғалабаларига эришган - 4:0.

МЮ бу мавсумдаги Англия кубогида фақатгина 1 гол ўтказиб юборган.

Жозе Моуриньо Англия кубогини иккита жамоада қўлга киритган учинчи мураббийга айланиши мумкин. Бунга қадар Герберт Чепмен 1922 йилда "Хаддерсфилд" ва 1930 йилда "Арсенал" билан ҳамда Билли Уокер 1935 йилда "Шеффилд Уэнсдей" ва 1959 йилда "Ноттингем Форест" каби жамоалар билан шундай натижаларни қайд этишган.

МЮ Англия кубогининг 1922 йилда "Хаддерсфилд", 1930 йилда "Арсенал", 1935 йилда "Шеффилд Уэнсдей" ва 1959 йилда "Ноттингем Форест" 3-раундида "Дерби Каунти"ни 2:0, 4-босқичда "Йовил Таун"ни 4:0, 5-босқичда "Хаддерсфилд"ни 2:0, чорак финалда "Брайтон"ни 2:0 ва ярим финалда "Тоттенхэм"ни 2:1 ҳисобида мағлуб этди.

ФУТБОЛЧИЛАР ҲАҚИДА МАЪЛУМОТЛАР

"Челси"
Жамоа тўпурари: Азар - 16 гол (12таси лигада).

Ҳужумчи Оливье Жиру 2012 йилдан буён Англия кубогида 26 учрашувда қатнашган ва 22 голда иштирок этган. 15 бора рақиб дарвозасини ишғол этган ва 7 голга ассистентлик қилган. Бирор футболчи унинг натижасига яқинлаша олмайди.

"Манчестер Юнайтед"
Жамоа тўпурари: Лукаку - 27 гол (16таси лигада).

Лукаку Англия кубогида ўтказган сўнгги 12 учрашувида 12 гол киритган.

Алексис Санчес "Уэмбли"даги сўнгги 5 учрашувида 6 гол киритган. Чилилик кетма кет икки финалда гол урган биринчи футболчига айланиши мумкин.

Ромелу Лукаку, Хуан Мата ва Неманья Матични Жозе Моуриньо майдонга туширадиган бўлса, улар собиқ жамоасига қарши баҳс олиб боришади.

ЎЗАРО ЎЙИНЛАР

Томонлар барча турнирларда ўзаро 179 учрашувда баҳс олиб боришган. "Челси" 52, МЮ 74 баҳсда ғалаба қозонган бўлса, 53 учрашувда дуранг қайд этилган.

Жамоалар Англия кубоги финалида 2 марта тўқнаш келишган. 2007 йилда "Челси" қўшимча таймларда 1:0 ҳисобида ғалабага эришган. 1994 йилда МЮ финалда 4:0 ҳисоби билан мағлуб этган.

2007 йилдаги финалда "Челси" бош мураббийи Жозе Моуриньо бўлган.

Томонлар "Уэмбли"даги ўзларининг 8-ўзаро баҳсини ўтказишади. Ҳеч қайси жамоалар бу стадионда бунчалик кўп ўзаро баҳс олиб боришмаган.

ЖАМОАЛАРНИНГ АПЛдаги СЎНГГИ ЎЗАРО УЧРАШУВИ

"Манчестер Юнайтед" 2-1 "Челси"

25 февраль 2018 йил

Бош ҳакам: Мартин Аткинсон.

Голлар: Лукаку 39, Лингард 75 - Вилльян 32.

ТОМОНЛАРНИНГ АНГЛИЯ КУБОГИдаги СЎНГГИ ЎЗАРО УЧРАШУВИ

"Челси" 1-0 "Манчестер Юнайтед"

Англия кубогининг 6-раунди. Жавоб ўйини (Биринчи баҳс 2:2)

1 апрель, 2013 йил.

Бош ҳакам: Питер Уолтон.

Гол: Демба Ба 49.

ҲАКАМЛАР БРИГАДАСИ

Бош ҳакам: Майк Оливер (Нотумберленд).

Бу мавсумда барча турнирларда 34 учрашувни бошқарди ва 119 сариқ ва 5 қизил карточка кўрсатди.

Қанотлардаги ҳакамлар: Ли Бетс, Яан Хассин.

Видеоассистентлар: Нил Суорбрик, Майк МакДоно.

Захирадаги ҳакамлар: Ли Мейсон.