Буффон: “Фаолиятимни 99,9 % ЖЧ-2018дан сўнг якунлайман”
12 июн 2017 22:41
Янгиликлар

Буффон: “Фаолиятимни 99,9 % ЖЧ-2018дан сўнг якунлайман”

Италия терма жамоаси ҳамда Туриннинг “Ювентус” клуби дарвозабони Жанлуиджи Буффон фаолиятини ЖЧ-2018дан сўнг якунлашини яна бир бор тасдиқлади.

“Россияда ўтказиладиган ЖЧ-2018дан сўнг фаолиятимни якунлаш? Ҳа, бу маълумот 99,9 % ҳақиқат. Яна бир мавсум юқори спорт формасида ўйин намойиш этиш имконига эгаман. Шундан сўнг мен анчадан бери гапиришим керак бўлган сўзни айтаман: “Ҳаммаси учун раҳмат!”.

“Ювентус” клуби президенти Андреа Аньелли билан эса биз эшикнинг бир табақасини очиқ қолдирдик. Агар “Ювентус” келаси мавсум ЕЧЛда ғолиб чиқиб, клублар ўртасидаги мундиалда қатнашиш ҳуқуқини қўлга киритса, Туринда қоламан”, — деди 39 ёшли посбон Sky Sport Italia нашрига берган интервьюсида.