Бу қизиқ. "Локомотив" 50-голини урган бир пайтда "Обод" 52-голини ўтказди
02 окт 2017 13:29
Янгиликлар

Бу қизиқ. "Локомотив" 50-голини урган бир пайтда "Обод" 52-голини ўтказди

Олий лиганинг 23-турида "Обод" ва "Локомотив" клублари ўзаро баҳс олиб боришди.

ТТЙМИ стадионида кечган баҳсда кутилганидек "Локомотив" ғалабага эришди. Қизиқ жиҳати, ўйиннинг 81-дақиқасида Санжар Шоаҳмедов жамоасининг учинчи голига муаллифлик қилди ва бу гол "Локо" учун бу йилги чемпионатда 50-гол бўлди.

Кетма-кет ўйинларда ютқазишга ўрганиб қолган "Обод" эса шу учрашувда 52-тўпини ўтказиб юборди. Бу жамоа ўтган йил ўз дарвозасидан 51та гол олиб чиққанди. Бу йил мавсум тугашига еттита тур қолаётган бир пайтда 52та гол ўтказиб юбориш "Обод" учун кўп албатта.

"Локомотив"га келсак, "темирйўлчилар" бу йил ҳам чемпионлик сари кураш олиб боришмоқда. Жамоа ўтган йил миллий чемпионатда 77та гол уришнинг уддасидан чиққанди. Қизиқ, "Локомотив" қолган еттита ўйинда яна 27та гол уриб бу борада ўтган йилги кўрсаткичини такрорлай олармикан.

Ҳавола :

Манба : championat.asia

Янгиликларни Телеграмда ўқинг!

Рейтинг: