Breaking News: Миржалол Қосимов - АГМК бош мураббийи

Бизга етиб келган аниқ маълумотларга кўра, АГМК раҳбарияти ниҳоят Миржалол Қосимов билан келишувга эришишга муваффақ бўлди.

Кўп йиллар давомида "Бунёдкор"да мураббий сифатида тобланган Миржалол Қўшоқовичга Олмалиқда ҳам ўзининг штабида фаолият кўрсатиб келган мутахассислар кўмаклашиши мумкин. ОЧЛ гуруҳ босқичига чиқиш вазифа қилиб қўйилаётган клубга яқин орада "Бунёдкор"нинг аксар футболчилари келиш эҳтимоли юқори. Ундан ташқари клуб раҳбариятида ҳам "Бунёдкор"нинг айрим вакиллари иш бошлаши кутилмоқда.

"Бунёдкор" эса 2019 йил ҳомийлар томонидан молиялаштирилиши маълум қилинган. Куни кеча бўлиб ўтган янги йил базмида ҳам клуб ҳомийлари 2018 йил жамоа учун осон бўлмаганлигини таъкидлаб ўтган ҳолда, янги йилда натижаларни яхшилашга ваъда беришди.

Эслатиб ўтамиз, бироз аввал АГМК бош мураббийи сифатида ишлаб келган Бахтиёр Ашурматов жамоадан расман кетгани ҳақидаги маълумотни тасдиқлаганини хабар қилгандик.