UZ

Сўнгги янгиликлар

20:50Ибрагимович: "Интер"да бир қоида бор эди: агар кетма-кет икки ўйинда ютқазсак, маошлар кечиктириларди"  1 20:35Суперлига. "Насаф" "Навбаҳор" майдонида очко йўқотди  147 20:27Суперлига. "Динамо" "Хоразм"ни ишончли тарзда мағлуб этди  10 19:42"Арсенал" тарихий рекорд ўрнатди  1 19:19АПЛда октябрь ойининг энг яхши мураббийи бўлишга даъвогарлар маълум  5 19:01Ҳоланд, Мбеумо, Тимбер ва бошқалар: АПЛда ой футболчиси аниқланмоқда  2 18:41FIFA U-17 Жаҳон чемпионати расмий тимсоли эълон қилинди  2 18:14"Футбол олами". Ҳакамлар билан боғлиқ баҳс-мунозаралар тинмаётган Кубок финали  9 18:10"Бу фирибгарларнинг найрангими?" "Ноттингем Форест" захира дарвозабони Бразилия терма жамоасидан таклиф олгани ҳақида  0 17:34Ўзбекистон Кубоги финалида ишлаган VAR: "Фикримча, Ресаннинг ҳаракати қизил карточка эди. Бу вазиятда бош ҳакам билан фикримиз икки хил бўлди"  20 17:21Суперлига. 27-тур дисквалификациялари: ОКМК, "Пахтакор", "Бунёдкор", "Навбаҳор" ва "Андижон"да йўқотишлар бор  7 17:05ЎзФҲМ раҳбари: "Ҳакам финалдан 2 кун олдин Термиздаги ўйинда ишлагани кичкина хатолик бўлди. Буни мен бўйнимга оламан"  30 16:43"Пахтакор" – "Бухоро" учрашуви бош ҳаками: "Эҳтиётсизлик натижасида содир этилган қўполлик учун Ресанга сариқ карточка кўрсатдим"  30 16:07Бу қизиқ! "Ливерпуль" истеъдоди 16 дақиқада 2 та қизил карточка олди  2 15:40Манба: "Динамо" етакчиси фаолиятини "Пахтакор"да давом эттириши мумкин  13

Бразилия футзалчилари чорак финал ҳақида нималар дейишди? Янгиликлар

Бразилия футзалчилари чорак финал ҳақида нималар дейишди?

Бразилия терма жамоаси футзалчилар Коста-Рикага қарши кечган нимчорак финал баҳсидан сўнг сайтимизга кичик интервьюлар беришди.

Бразилия терма жамоаси футзал бўйича мундиалда биринчи бўлиб чорак финал йўлланмасини қўлга киритишди. "Пентакампеон"лар нимчорак финалда терма жамоамизни мағлуб этган Коста-Рикани йирик 5:0 ҳисобида таслим этишди. Биз эса бразилиялик футзалчиларнинг учрашувдан кейинги фикрлари билан қизиқдик.


"Қийин ўйин бўлишини билардик. Плей-офф босқичида бошқа даражалари ўйинлар бўлади. Мағлуб бўлган жамоа уйига жўнаб кетади. Барчаси масъулиятни ўз бўйнимизга олган ҳолда майдонга тушдик ва ғалаба қозондик. Плей-офф босқичидаги дастлабки учрашувни ўтказиб олдик ва энди эса кейинги рақиблар ҳақида ўйлашимиз керак. Биз 5та гол урдик ва ўз дарвозамиздан тўп ўтказиб юбормадик. Бу яхши натижа деб ўйлайман. Буёғига фақатгина чорак финал ҳақида ўйлашимиз керак бўлади. Ушбу мусобақа якунланганидан сўнг Бразилияга Жаҳон чемпионлари сифатида қайтиш бизнинг асосий мақсадимиз", - дея фикр билдирди мусобақа тўпурари Марсел.

"Плей-офф баҳслари олдинроқ ўтказилган учрашувлардан бироз фарқ қилади. Фикримча, яхши ўйин ўтказдик ва ўйин давомида хотиржам эдик. Биз кўпроқ ҳимояда хатосиз ўйнашга ҳаракат қилдик. Ҳужумдаги маҳоратимизни намойиш этиб, имкон қадар кўпроқ голлар уришга интилдик. 1/4 финал босқичи бундан-да қийинроқ кечиши аниқ. Кейинги рақибимиз ҳам анча жиддий, аммо биз нимага қодир эканлигимизни биламиз ва кейинги босқичга ўтиш учун ажойиб имкониятимиз бор", - дея фикр билдирди Марлон.


"Бугунги учрашувда ўзимизга керакли бўлган натижага эриша олдик, менимча. Гол ўтказиб юбормадик ва кейинги учрашувларга қадар ўйинимизни яхшилаб олишимиз керак. Чорак финалда бизни Эрон ёки Марокаш терма жамоалари кутиб турибди. Икки рақиб ҳам ўта кучли. Бизда қарор қабул қилишга имконият йўқ ва шу сабабли ҳар бир рақибга қарши ўйнашга мажбурмиз. Кўпчилик бизни мусобақа фаворитлари деб аташмоқда, аммо бу ҳеч нимани исботламайди. Биз эндигина нимчорак финалдамиз", - дейди Бразилия терма жамоаси юлдузи Феррао.

"Коста-Рикага қарши учрашув осон кечмаслигини билардик. Рақибимиз жуда тезкор жамоа эканлигидан хабаримиз бор эди. Умумий олганда, яхши ўйин ўтказдик ва ғалаба қозондик. Бизни кейинги босқичда янада қийинроқ рақиб кутиб турибди. Ҳозир бироз дам олишимиз ва ундан сўнг кейинги рақиб ҳақида ўйлашимиз керак", - дея айтиб ўтди Негиньо.



Абдулвосит Бектемиров суҳбатлашди

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика