"Брайтон" бош мураббийи қизил карточкани ҳакамларнинг хатоси деб ҳисоблади

Учрашувнинг 52-дақиқасида "Брайтон" ҳимоячиси Льюис Данк ўз жарима майдончасига бир қанча метр қолганида Энтони Элангани ушлаб қолиб йиқитди. Бош ҳакам аввалига футболчига сариқ карточка берди. Кейинчалик вазиятни ВАР орқали кузатиб, қарорини қизил карточкага ўзгартирди.

"Бу ўйин динамикасида сариқ карточка эди. Уэбстер унинг яқинида турганди. Шу сабабли бу фол сўнгги умид фоли эмасди. Агарда ҳакам видеокузатувсиз қизил карточка берганида буни тушунса бўларди. Аммо бу вазиятга нима учун ВАР аралашганини тушунмадим. Қизил карточка яққол эмасди ва бу ҳакамнинг хатосига айланди.

Биринчи бўлимда рақибдан яхшироқ ўйнадик. Барчаси иккинчи бўлимда ўзгариб кетди. Ижобий ҳолатлар кўп бўлди, футболчиларим билан фаҳрланаман. Балки иккинчи бўлимда урмаган вазиятларимиз учун жазолангандирмиз.

Хафамиз. Ўйин назорати бизда эди. Бироқ иккинчи таймни яхши бошлай  олмадик. Рақиблар тўпни ўзлариники қилиб олишди ва бизга беришмади. Кейин эса гол уришди. Аммо бунга қадар барчаси бизнинг ташаббусимиз остида эди.

Қизил карточка мени бироз ранжитди. "Олд Траффорд"да рақибдан бир киши кам бўлиб ўйнадик. Тўсинни пойладик, Уэлбекдаги вазият... Ҳа, натижадан бироз хафаман, лекин, футболчиларимнинг бугунги ўйинидан мамнунман. Бугун 3 очко олишимиз мумкин эди", - деди Поттер.