Бранко Иванкович: "Илтимос, мендан Эрон қандай натижа кўрсатади деб сўраманглар"
21 дек 2018 16:48
Янгиликлар

Бранко Иванкович: "Илтимос, мендан Эрон қандай натижа кўрсатади деб сўраманглар"

"Персеполис" клуби бош мураббийи Бранко Иванкович Осиё Кубогида иштирок этадиган Эрон терма жамоаси ҳақида гапирди.

Тажрибали мутахассис интервью берар экан, журналистлардан "Сизнингча, терма жамоа Осиё Кубогида қандай натижа кўрсатади?" деган саволни бермасликни сўради.

"Мен ҳар доим Эрон миллий терма жамоасининг мухлиси бўлиб қоламан. Мен бу жамоага доим омад тилайман, Агар Эрон муваффақият қозонса, ўз навбатида бу менинг ҳам муваффақиятим бўлади. Терма жамоа фақат бир кишиники эмас, у бутун халқники. Сизлардан илтимос, мендан терма жамоа имкониятлари ҳақида сўраманглар. Мен фақат омад тилаб қоламан, чунки қўлимдан келадигани шу", - деди хорватиялик мураббий.

Маълумки, Эрон терма жамоаси сўнгги марта 1976 йил Осиё Кубогида ғолибликни қўлга киритган. Бу жамоа ҳозир Доҳада тайёргарликни давом эттиряпти. Карлуш Кейруш шогирдлари гуруҳ босқичи баҳсларини Ироқ, Яман ва Вьетнамга қарши ўтказишади.

Ҳавола :

Манба : tehrantimes.com

Янгиликларни Телеграмда ўқинг!

Рейтинг: +1